Sabi 28:41 - Hdi

⁴¹ Ka suɗanavata ka ta zwaŋama gha Haruna, nda zwana ni, ka dzuvata ka ta həŋ nda rɗi, ka pghamta ka ta həŋ ma slna taŋ. Mantsa ya dzaʼa faɗimta ka ta həŋ ma slna dra skwi ŋa ɗa.

Sabi 28:41 Referans Kwoze

Sabi 29:7

Ka klafta ka ta rɗa fata ka ŋa Yawe, ka pghəganata ka ma ghəŋ ka masanamta.

La Levi 10:7

Kaghuni, ma lavaghu kuni ta wa tumpula guyaku, dá rwutá kuni, kabga mamu rɗa fata ka ŋa Yawe ta kaghuni, » kaʼa. Ka magata həŋ manda ya mna Musa.

Sabi 40:15

Ka paghanaghata ka ta rɗi ta həŋ manda va ya pghanagha ka ta da taŋ ya ŋa magihata taŋ ta slna dra skwi. Tsa pghanaghatá rɗi ta həŋ ya ná, tsaya dzaʼa fata həŋ ma slna dra skwi ka ŋa ɗa ŋa ɗekɗek ha zivir zivira taŋ, » kaʼa.

Sabi 29:9

Ka habanata ka ta huɗi ta i Haruna nda zwana ni nda biwir, wawanamta ka ta gwambar ma ghəŋ ta həŋ, ŋa gɗata taŋ ta maga slna dra skwi ŋa ɗa ŋa ɗekɗek. Mantsa ya dzaʼa pghamta ka ta i Haruna nda zwana ni da slna taŋ.

Hebru 7:28

La mali ta ghəŋa slna Lazglafta ya ta zbapta zlaha Musa ná, gwal nda hta nzakwa taŋ ya. Ma fitika waɗata Lazglafta ta tsa waɗu waɗa tsi ya, mbəɗapta tsa gwaɗa ya ta zlaha Musa. Ka fatá tsi ta zwaŋa ni ŋa kɗekedzeŋ ka mali ta ghəŋa gwal ksa slna Lazglafta, ŋa dzanaghatá ghəŋa skwi kumaŋ tsi.

1 Yuhwana 2:27

Kaghuni, tsa Sulkum vlaghuna Kristi ya ná, ta nzaku ma kaghuni. Wya ta mamu tsa Sulkum ya ma ŋuɗufa ghuni ya, psəgla a kuni ta sana mndu ŋa taghaghunaftá sana skwi wu, kabga ta taghaghunaf tagha tsa Sulkum ya ta inda skwi. Tsa skwiha ta taghaghunafta tsi ya guli ná, vərɗa skwiha ya. Haɗ tsakalawi mida wa. Gɗavawagɗa kawadaga nda Yesu Kristi manda ya ta taghaghunafta Sulkuma ni.

1 Yuhwana 2:20

Kaghuni ya, vlaghuna vla Kristi ta Sulkuma ni. Kaghuni demdem, nda sna kaghuni ta vərɗa skwi ta ghəŋa *Yesu Kristi.

Hebru 5:4

Haɗ mndu ta klaftá tsa glaku ŋa nzaku ka mali ta ghəŋa gwal maga slna Lazglafta ya ka fanaghatá ghəŋa ni wa. Lazglafta ta hgaŋta manda ya hgaŋ tsi ta *Haruna.

Yuhwana 3:34

Mndu ghunaga Lazglafta ná, gwaɗa Lazglafta ta gwaɗ tsi, kabga zwakuzwakwa Sulkum vlaŋ Lazglafta mida.

Mbsak 3:3

Tsaha ya hga zwana zgwana Haruna, gwal dra skwi ŋa Lazglafta pghanagha lu ta rɗi ta həŋ, ka pghamta həŋ ma slna taŋ ya.

Sabi 29:35

Ka maganata ka ta i Haruna nda zwana ni ta inda skwiha manda va ya mnaghaf yu. Ka magata ka ta fitik ndəfáŋ ta pghamtá həŋ ma slna.

Sabi 29:24

Ka pghanamta ka demdem ma dzvu ta i Haruna nda zwana ni, ka zukwaŋta həŋ ta tsa mbəhu ya ta kəma Yawe.

Sabi 28:4

Wya tsa lgutha dzaʼa həŋ da gagafta ya: Zliba ghuva, nda ifut, nda guduŋgaba, nda gatá sɗakw, nda gwambar, nda biwir. Ka magafta həŋ ta tsa lgutha nda ghuɓa ya ŋa i Haruna zwaŋama gha nda ya ŋa zwana ni ŋa klay taŋ ta mag həŋ ta slna dra skwi ŋa ɗa.

Sabi 28:1

« Musa, gavaganagha gava ta vata kagha ta Haruna zwaŋama gha, nda zwana ni i Nadav, nda Avihuʼ, nda Ilghazar, nda Itamar. Ka dganata ka ta həŋ nda pɗakwa la Israʼila, ŋa magay taŋ ta slna dra skwi ŋa ɗa.

Sabi 40:13

Ka suɗanavata ka ta Haruna ta lgutha nda ghuɓa, ka pghanaghata ka ta tsa rɗi ya, ka fata ka ka ŋa ɗa ŋa magihatá slna dra skwi.

La Levi 16:24

Dzaʼa mbazaghu mbaza ta mbaza ma sana vli nda ghuɓa, ka suɗglavata ni ta lgutha ni. Tahula tsa, ŋa saba ni, ŋa vlata ni ta skwa pla ghəŋ ŋa dray tsuh tsuh ŋa vərɗa tsatsi, nda skwa pla ghəŋ ŋa dray tsuh tsuh ŋa mnduha. Dzaʼa slərɓap slərɓa ta zughu ŋa vərɗa tsatsi, nda ya ŋa mnduha.

Sabi 30:35

Ka magata ka nda tsa skwiha ya ta urdi manda ya ta mag midala, ŋa maganaghatá slughul, ŋa nzata ni ghenen nda fa ka ŋa Yawe.

Mbsak 16:5

Kaʼa nda Kurah nda ya nda bakwa ni mantsa: « Ga sərɗək mahtsim, dzaʼa snamam sna Yawe ta ya ka ŋa ni, ta ya nda ghuɓa ta laviŋtá ɓhadaghata da tsi. Tsa mndu dzaʼa zbapta tsi ya, dzaʼa zlanaŋ zla ta tvi ŋa gavadaghata da tsi.