Sabi 23:21 - Hdi

²¹ Ka fanata kuni ta sləməŋ, ka sna kuni ta gwaɗa ni. Yaha kuni da təŋanaftá ghəŋ, ya haɗ dzaʼa plaghunatá dmakwa ghuni wu, kabga mamu hga ɗa ma tsatsi.

Sabi 23:21 Referans Kwoze

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Yuhwana 10:38

Ala ka si va ni tsi ta mag yu katsi, dər má zlghaf a kuni ta iʼi wu, zlghafwazlgha a ka tsa slnaha ya, kada grafta kuni, ŋa snaŋta ghuni kazlay: Da ta nzaku ma iʼi, iʼi ma Da guli kəʼa, » ka Yesu nda həŋ.

Yuhwana 10:30

Aŋni nda Da ɗa ná, ka skwa turtuk ŋni, » kaʼa nda həŋ.

Yəhusuwa 24:19

Ka Yəhusuwa nda mnduha mantsa: « Laviŋta a kuni ta maganatá slna ta Yawe wa. Tsatsi ná, Lazglafta nda ghuɓa ya. Tsatsi ná, Lazglafta ta draku ya. Haɗ dzaʼa pliŋtá dmakwa ɓlanapta ghuni ta zlahuha ni, nda dmakuha ghuni wa.

Sabi 3:14

Ka Lazglafta nda Musa mantsa: « “Iʼi ná, Iʼi ya,” ka ka. Tsaya skwi dzaʼa ka mnanatá la Israʼila. “Iʼi ya ta ghunɗikta da kaghuni,” » ka ka dzaʼazlay.

Kwalus 2:9

Inda glakwa Lazglafta ná, nzamə ma Kristi.

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

Vrafta ta zlahu 18:19

Ka kwalaghu kwala mndu ta sna gwaɗa ɗa ya dzaʼa tsi mnay nda hga ɗa ya, iʼi ka ghəŋa ɗa dzaʼa ɗawaŋtá gwaɗa da tsa mndu ya.

Mbsak 14:11

Ka Yawe nda Musa mantsa: « Ha ŋa yawu dzaʼa gɗata na mnduha na ta hərtətatá iʼi na? Ha ŋa yawu dzaʼa gɗata həŋ ta kwalaghuta faftá ghəŋ ta iʼi, kulam nda inda ŋizlaha maraŋ yu mataba taŋ na?

Yuhwana 5:23

kada vla inda mndu ta glaku ŋa zwaŋ, manda ya ta vlə həŋ ta glaku ŋa Da ya. Ka vla a mndu ta glaku ŋa zwaŋ wu katsi, haɗ tsa mndu ya ta vla glaku ŋa Da ta ghunagatá tsa zwaŋ ya wa.

Mbsak 14:35

Iʼi, Yawe, mna mna yu, waɗa waɗa yu kazlay manda tsaya dzaʼa maganata yu ta inda na guyatá ghəŋa mnduha ka ghwaɗak ta gwaftá wi ta iʼi na. Dzaʼa kɗu kɗa həŋ demdem ma mtak, hada dzaʼa rwuta həŋ, » kaʼa.

Sabi 32:34

Ndanana, la! ka kla ka ta tsa mnduha ya da vli ya mna gha yu. Duhwala ɗa dzaʼa kla kagha. Ama baɗ sagha fitika tsay ɗa ta guma, dzaʼa tsanagha tsa yu ta guma ta həŋ ta ghəŋa dmakwa taŋ, » kaʼa.

Sabi 6:3

Marava mara yu da i Abraham, nda Izak, nda Yakubu ka “Lazglafta ta Mbruta,” ama snanam a yu ta həŋ kazlay Yawe hga ɗa kəʼa wa.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.

Suna Yuhwana 2:8

« Vinda ŋa duhwala Lazglafta ta nzakway ka ŋa *Igliz ma luwa Samirna: « Wya gwaɗa ta mnə mndu ta nzakway ka taŋtaŋa ni nda kɗavakta ni, mndu ya si ta mtuta ka vragapta nda hafu ya.

Suna Yuhwana 1:8

« Iʼi zlrafta ni, iʼi kɗavakta ni, » ka Mgham Lazglafta mnata. Tsatsi Lazglafta ta mbruta, tsatsi ya manda ghalya, tsatsi ya ndanana guli, tsatsi ya guli ta kəma.

Suna Yuhwana 3:7

« Vinda ŋa duhwala Lazglafta ta nzakway ka ŋa *Igliz ma luwa Filadelfi. « Wya gwaɗa ta mnə mndu ya nda ghuɓa. Tsatsi kahwathwata, tsatsi ta ŋanata makuɓla mgham Dawuda. Ka guna guna tsi, haɗ wa mndu ka hafta wa. Ka haf ha tsi guli, haɗ wa mndu ka gunata guli wa.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

Hebru 3:16

I wa tsa mnduha ta snaŋtá lwa Lazglafta ka sliʼanaftá həŋ ta gwaɗa nda tsi ya na? Tsa gwal ta sab ta haɗika Masar hlagap Musa ta həŋ ya a ra?

Mata 17:5

Tata tsa gwaɗa ya Piyer, gi ka saha kusay ka ŋusliŋ tilil bukwamtá həŋ. Gi ka snaŋtá lu ta sana lwi ta gwaɗagapta ma tsa kusay ya: « Nana na Zwaŋa ɗa ya ɗvu yu katakata Tsatsi zbap yu, ta rfu yu ta ghəŋa ni. Snawa sna ta gwaɗa ni, » kaʼa.

Mata 1:23

« Wya dzaʼa zlghaf zlgha daghala makwa ta kul snaŋtá zgun ta huɗi, ŋa yata ni ta zwaŋa zgun, ŋa tsanaftá hga ni ka Emanuwel, » manda mnay kazlay: Kawadaga Lazglafta nda amu kəʼa ya.

Vrafta ta zlahu 9:7

« Havakwa hava, ma zanap kuni ya ká kuni gufanaftá ŋuɗuf ta Yawe, Lazglafta ghuni ma mtak. Daga baɗ saba ghuni ma haɗika Masar ha ka ɓhagaghatá ghuni da hadna, ta ga sidi kuni nda Yawe.

Gwal tsa guma 13:18

Ka tsa duhwala Yawe ya nda tsi mantsa: « Kabgawu ta ɗawa ka ta hga ɗa na? Mandərmimi ya, » kaʼa.