Sabi 19:11 - Hdi

¹¹ Ka payavata həŋ ŋa baɗima, kabga baɗima dzaʼa laha iʼi Yawe ta ghwá Sinay ta nghay mnduha demdem.

Sabi 19:11 Referans Kwoze

Sabi 19:16

Ga sərɗək baɗ mahkəna fitik, ta tsa ghwá ya ná, ka ŋəzlatá luwa, nda wuɗa luwa, nda kusay tɗik katakata, nda lwa duli nda mbraku katakata. Ka ghudzaku inda gwal ma ghuɓu ta ghudzaku da zləŋ.

Vrafta ta zlahu 33:2

Kaʼa mantsa: « Sagha sa Yawe daga ta ghwá Sinay, manda fitik sliʼafta tsi daga ta haɗika Seghir, daga ta ghwá Paraŋ, ka tsuwaɗak tsi ta vli da mnduha ni. Ka sagha tsi kawadaga nda dəmbuʼata gwal nda ghuɓa, nda ŋatá zləghakwa vu ma dzva zeghwa ni.

Sabi 34:5

Ka saha Yawe ma kusay, ka sladata ndusa nda tsi. Ka mnigiŋtá tsi ta hga ni ka, « Yawe. »

Yuhwana 6:38

Sa a iʼi ta luwa ŋa maga skwi ta kum yu wa. Sasa iʼi ŋa maga skwi ta kum mndu ta ghunigihata.

Yuhwana 3:13

Haɗ mndu ta kəɗ lafi ta luwa, ka mndu ta saha daga ta luwa a tsi wa. Ba *Zwaŋa mndu yeya ta saha daga ta luwa.

Mbsak 11:17

Hada dzaʼa laha yu, ŋa gwaɗgaghata ɗa. Dzaʼa klaʼa kla yu kiʼa ta sulkum ma kagha ka pghamta ma həŋ. Mantsa tama, ŋa klay taŋ kawadaga nda kagha ta ndəgakwa mnduha, kagha turtukwa gha a dzaʼa kləgəlta wa.

Sabi 19:20

Ka saha Yawe ta bɗəma ghwá Sinay. Hada, ka hgadaftá tsi ta Musa ta bɗəma tsa ghwa ya. Ka laf Musa.

Sabi 19:18

Ta tsa ghwá ya, sliʼavaf sliʼa ɗiŋ kuɗumbul, kabga saha Yawe ma vu tida, Ka sliʼaftá tsa ɗiŋ ya ma ghuvaŋata luwa manda ɗiŋa mghama vu. Ka gigɗavaftá inda tsa ghwá ya nda mbraku katakata.

Sabi 3:8

Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Zlrafta 11:5

Mbaɗa Yawe ka saha da nghanatá tsa luwa nda mghama həga ta bə mnda səla ya.

Sabi 34:2

Ka payavata ka ŋa ga sərɗək mahtsim. Ka ŋlagafta ka ga sərɗək ta ghwá Sinay. Ka sagha ka maravata hada ta kəma ɗa ta bɗəma ghwá.

Yəhusuwa 3:5

Ka Yəhusuwa nda mnduha mantsa: « Ghuɓiŋwa ghuɓa ta nzakwa ghuni, kabga dzaʼa maraŋ mara Yawe ta skwiha ka mazəmzəm mataba ghuni mahtsim, » kaʼa.

Nəhemiya 9:13

Ka saha ka daga ta luwa ka gwaɗganatá ka ta həŋ ta ghwá Sinay. Ka mnanaftá ka ta həŋ ta guma tɗukwa, nda vərɗa tagha skwi, nda ŋərma zlahuha nda dvuha.

Sabi 24:16

Ka gɗavatá glakwa Yawe ta ghwá Sinay, ka bukwamtá kusay ka fitik mkuʼ. Baɗ mandəfáŋa fitik, ka hgaŋtá tsi ta Musa ma kusay.

Sabi 24:17

Ka nghaŋtá la Israʼila ta glakwa Yawe manda vu ta zləghaku katakata ta bɗəma ghwá.

Vrafta ta zlahu 4:10

Ka hava kuni ta tsa fitik kəl kuni ka sladata ta kəma Yawe, Lazglafta ghuni ma Hwarev, tsa fitik baɗ mnihata Yawe kazlay na: “Tskigiɗigha tska ta mnduha ka mnanata yu ta gwaɗa ɗa ta həŋ ŋa taghafta taŋ ta zləŋa iʼi inda fitik ma nzakwa taŋ nda hafu ta ghəŋa haɗik, ŋa taghay taŋ guli ŋa zwana taŋ,” kəʼa ya.