Sabi 1:14 - Hdi

¹⁴ Ka ghuy həŋ ta ɗaŋwa ŋa taŋ nda slna ta malaghutá mbrakwa taŋ: Ka mblu həŋ ta həŋ ka hwaɗa rɓisl, nda tsa brik, nda maga inda slna ma vwah. Inda slna ta vlaŋta lu ta həŋ ná, ɗukɗukwa ɗukɗukwa nzakwa ni.

Sabi 1:14 Referans Kwoze

Slna gwal ghunay 7:19

Ka nənɓaptá tsi ta mndəra amu. Ka dulu tsi ta dzidzíha mu, ŋa vlata taŋ ta zwana taŋ tkweʼ ŋa rwanatá həŋ.

Mbsak 20:15

La la dzidzíha ŋni bamma da Masar, ma vli ya nzəɗava ŋni hada, ama ka ghuyaŋnaptá la Masar ta ɗaŋwa, ta aŋni nda dzidzíha ŋni tani.

Sabi 6:9

Ka rusanaftá Musa manda va tsaya ta la Israʼila, ama ka kwalaghutá həŋ ta snay, kabga nda hwaɗa ghəŋa taŋ da tsa ndəgakwa slna ta mag həŋ ya.

Sabi 2:23

Tahula luta vaku kaɗ ka skwi mida tama, ka mtutá mghama Masar. Ka ŋaɗ la Israʼila ta ghəŋ, ka wahu, ka ɗawa katu ta ghəŋa datá vgha taŋ ma ga vuʼa, ta maga slna mbraku. Ka ɓhatá tsa waha taŋ ya da Lazglafta.

Slna gwal ghunay 7:34

Nghadap ngha yu ta ghuya ɗaŋwa ŋa mnduha ɗa ta ghuy lu ma haɗika Masar. Sniɗigha sna ŋa ɗa ghəŋa taŋ, kəl yu ka saha da hlaptá həŋ mida. Ndanana na, sawi ka ghuna yu ta kagha da luwa Masar,” kaʼa nda tsi.

Rut 1:20

Ama kaʼa nda həŋ mantsa: « Ma hgəgəl kuni ta iʼi ka Naghumi, hgawa ta iʼi ka Mara, tsaya “kurak” kabga niɗis na Lazglafta ta Mbruta manda kurak katakata.

Vrafta ta zlahu 26:6

Ama ka ghuyaŋnaptá la Masar ta ɗaŋwa, ka gaŋnaptá iri, ka faŋnaghatá slna ga vuʼa.

Vrafta ta zlahu 4:20

Ama kaghuni, Yawe ta zbaptá kaghuni, ka hlagaptá kaghuni ma Masar, tsa duda vu ŋa nwa kfur ya, ŋa nzakwa ghuni ka mnduha ŋa ŋa ni, manda va na nzakwa ghuni gita na.

La Levi 25:53

Dzaʼa nza nza tsa mnda la Israʼila ya ga tsa mayəm ya manda mndu ta maga slna tsedi ŋa ni ma vaku ma vaku. Haɗ lu dzaʼa zlanaŋtá tvi ta daŋahəga ni ŋa dulay ni ta zwaŋama ghuni wa.

La Levi 25:46

Dzaʼa laviŋ lava kuni ta niŋtá həŋ ka skwa za həga zwana ghuni, ŋa nzakwa taŋ ka ŋa taŋ. Dzaʼa nzakway həŋ ka vuʼa ghuni ŋa ɗekɗek. Ama zwana ma ghuni la Israʼila ya ná, yaha sani ma kaghuni da dulay.

La Levi 25:43

Yaha kuni da nzanaghatá həŋ ka dula həŋ, ama ka zləŋa kuni ta Lazglafta ghuni.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 1:13

Ka fatá həŋ ta la Israʼila ka vuʼa taŋ.

Zlrafta 15:13

Ka Yawe nda Abram mantsa: « Snaŋ sna ɗina kazlay na dzaʼa nza nza zivirha gha ka mayəm ta haɗik kul nzakway ka ŋa taŋ kəʼa. Dzaʼa nuna həŋ ka vuʼa, ŋa dulay lu ka həŋ ka vaku fwaɗ dərmək.

Sabi 1:11

Mantsa ya, ka paghatá həŋ ta maliha ta ghəŋa slna ŋa huʼanaptá vgha ta la Israʼila ma fanaghatá slna ka mbraku ta həŋ, kəl həŋ ka banaftá Firʼawna ta luwaha guvur: Pitum nda Ramses.

Sabi 1:15

Mamu sana miʼaha his ta ya mndu mataba la Hebru, Sifra hga sani, Pugha hga sani. Ka fanatá mghama Masar ta zlahu ta həŋ, kaʼa mantsa:

1Mgh 12:14

ka zlghanaftá tsi ta wi ta mnduha nda hiɗaku ya vlaŋ duhwalha, kaʼa nda həŋ mantsa. « Faghunagha fa da ɗa ta ɗukwata zuk ta ndəgaku, ama iʼi, dzaʼa sgəglaghunagha sga yu ɗuk katakata ta ndəgakwa ni. Nda krupi si ta zlaha tsatsi ta kaghuni, ama iʼi, nda krupi nda kfur ta wa ni dzaʼa zlaha yu ta kaghuni! » kaʼa nda həŋ.