Nəhemiya 9:25 - Hdi

²⁵ Ka hlaghutá həŋ ta luwaha ma matsaka huzlu, nda vwahha ya zɗa zɗa. Ka zutá həŋ ta həgaha nda ndagha inda nda skwiha ɗina ɗina mida, nda ghwa lalap lu, nda inabiha, nda zaytunha, nda ndəghata fuha ta zə lu nda za. Ka zə həŋ, ka babaghaku həŋ, ka uwaʼuwaslaku həŋ. Ka zə həŋ ta mghama taŋ ma zɗakwa gha dagala.

Nəhemiya 9:25 Referans Kwoze

Vrafta ta zlahu 32:15

Ka zutá Israʼila ka baghafta, ka uwaslaftá Yəsuruŋ, ka gaftá tsi ta sidi. Uwaslafta ni gdəɓəsl, haɗ ŋəzleɓ tida wu, kuɗetehw. Ka zlaŋtá tsi ta Lazglafta ta magafta, ka hərtətatá tsi ta kutumba mbakwa ni.

Nəhemiya 9:35

Ma ga mghama taŋ nda baghatá həŋ da inda skwiha ɗina ɗina vlaŋ ka ta həŋ ta haɗik ya dagala zɗa ya pgha ka ta həŋ tida ná, maga gha a həŋ ta slna wa. Mbəɗana a həŋ ta hul ta ghwaɗaka slnaha taŋ wa.

Vrafta ta zlahu 3:5

Inda tsa luwaha ya ná, ŋaŋam ŋaŋa lu ta həŋ ma matsaka huzlu nda slara, nda parawalha ta wa taŋ his his his, ŋəŋərzlatá ni nda həndil. Mamu ndəghata sanlaha ma luwaha kul haɗ matsakha taŋ guli.

1Mgh 8:66

Baɗ matghasa fitik, ka ghuniŋtá tsi ta mnduha. Ka rfanaghatá həŋ ta mgham ka vraghutá həŋ dzagha taŋ, nda rfu nda wunahata ŋuɗuf dabga inda skwi ɗina ɗina magana Yawe ta kwalva ni Dawuda, nda mnduha ni la Israʼila tani.

Vrafta ta zlahu 32:13

Ka hladaftá tsi ta həŋ ta kuɗuŋurha haɗik, ŋa zay taŋ ta skwa zay si ma vwah. Ka niʼunustá tsi ta zuɗum si ma takwa pala ta həŋ, vlaŋha ta rɗi si ta fuha mataba palaha ta həŋ,

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

Danyel 11:24

Ma fitik mamu zɗaku, dzaʼa lama tsi da vliha ya fərtu gadghəla ma kwakwar. Dzaʼa magay ta skwiha ya si kul walaŋta dadaha ni nda dzidzíha ni ta magata. Dzaʼa dgay ta skwi gadghəl ya ŋatsaf tsi ma zləɗu ŋa gwal ta kataŋta. Dzaʼa ndanay ta liŋtá ghumaha ni ma luwaha ma matsaka huzlu, ama ŋa fitik kiʼa.

Vrafta ta zlahu 32:14

nda rɗa uʼa sla nda uʼa rina fisik, nda ghwaviɗa slaɓalakwa maŋazakha, nda maŋazakha Basaŋ, nda dugzumha, nda alkama ya ta ɗinuta, ka sutá həŋ ta ima yakwa inabi ya ta ɗinuta.

1Mgh 14:9

Maga maga kagha ta ghwaɗaka skwi ka malaghutá ŋa inda gwal ta tiŋlaghutá kagha. Laghu la ka da tsatsaftá sanlaha ma lazglaftaha, nda skwiha ŋa wuyay dgum dguma ka kfur nwap lu nda nwa, ŋa giɗiftá ɓasa ŋuɗuf, ka wuɗiɗtá ka.