Nəhemiya 9:1 - Hdi

¹ Baɗ hisambsak fwaɗ mida ma va tsa tila mandəfáŋ ya, ka tskavatá la Israʼila ŋa suma. Ka pghavatá həŋ ta buhu ta vgha, ka buhwamtá həŋ ta rgitik ma ghəŋ.

Nəhemiya 9:1 Referans Kwoze

Nəhemiya 8:2

Mantsa tama, baɗ taŋtaŋa fitik ma tila mandəfáŋ, ka klagaptá Izra, mnda dra skwi ŋa Lazglafta ta tsa deftera zlahu ya ta kəma tskatá mnduha, zgwana, nda miʼaha, nda inda gwal nda mahizl ŋa snaŋta.

Izra 8:23

Ka mag ŋni ta suma ka ɗawa tsa katu ya da Lazglafta, ka snaŋnatá tsi.

Yəhusuwa 7:6

Ka kwahiŋtá i Yəhusuwa nda la galata mnduha la Israʼila ta lguta taŋ, ka buhwamtá rgitik ma ghəŋ, ka zlambata zluzlumbruh ta kəma akwata Yawe, ka nzatá həŋ mantsa ha ka lagha ta fitik hawu.

1Sam 4:12

Ka ndaptá sana mndu ma mndəra la Biŋyamiŋ nda hwaya ma ghuɓa tsa vulu ya, ka ɓhadaghata tsi da Silu baɗ va tsaya nda kwahatá lgut, nda klubuŋwata ghəŋ da haɗik ka ŋizla taw.

Asta 4:16

« La ka tskanata ka ta inda la Yahuda ma Susaŋ, ka maga kuni ta sumay ta ghəŋa iʼi. Yaha kuni da za skwi, dər sa skwi ma fitik hkən, nda fitik tani, nda rviɗik tani. Dzaʼa sumay iʼi guli manda va tsaya, nda kwalvaha ɗa tani. Tahula tsaya ŋa sliʼafta ɗa ka lam da mgham, dər má mna a zlahu. Ka ŋa mtakwa ɗa tsi, dzaʼa mtay yu, » kaʼa.

Asta 4:3

Ma inda haɗik ma dzva tsa mgham ya, ma vli ɓhadagha tsa zlaha mgham ya, ta ghəŋa taw, nda suma, ta tawa ghəŋ yeya ta mag la Yahuda. Nda ndəgha gwal ta pghatá buhu nda hutiɗif ka ghəzləŋa taŋ.

2Rus 20:3

Ka ksutá zləŋ ta Yəhusafat, ka zbə tsi ta ɗawaŋtá ndana Yawe. « Sumawa suma ta suma, » kaʼa nda inda kwakwara la Yuda.

2Rus 7:10

Tahula tsa tama, baɗ mahisambsak hkən mida ma tila mandəfáŋ, ka vríŋtá Salumuŋ ta mnduha dzagha taŋ wunahatá ŋuɗuf dabga inda skwi ya ɗina ɗina magana Yawe ta Dawuda, nda Salumuŋ nda ya ŋa mnduha la Israʼila.

2Sam 1:2

Ta mahkəna fitik, ka lagha sana mndu si ma ghuɓa Sawulu nda kwahatá lgut ta vgha, klubuŋ ghəŋa ni ka haɗik ka ŋizla nzakwa ni ta taw. Ɓhadaghata ni ta kəma Dawuda, ka zləmbatá tsi zlumbruh ta haɗik ka tsəlɓata.

Gwal tsa guma 20:26

Ka ŋlaghatá gwal vula la Israʼila demdem da Betel. Ka nzatá həŋ hada ka taw da Yawe. Ka sumu həŋ ta suma baɗ tsa fitik ya ha ga hawu. Ka vlatá həŋ ta skwa pla ghəŋ ŋa dray tsuh tsuh, nda pla ghəŋa zɗaku ta kəma Yawe.

La Levi 23:39

Skwi ŋa havakta ghuni ná, baɗ maghwaŋpəɗ hutafa fitik ma tila mandəfáŋ, kɗiŋər kuni ta tskatá skwi ta vwah ya, ka zlrafta kuni ta skala dumbi ŋa Yawe ha fitik ndəfáŋ. Baɗ taŋtaŋa fitik nda ya baɗ matghasa fitika tsa skalu ya, dzaʼa mbiʼapta lu ta mbiʼa vgha dar dar.

La Levi 23:34

« Mnana mna ta la Israʼila, ka ka nda həŋ na: Baɗ maghwaŋpəɗ hutafa fitik ma tsa tila mandəfáŋ ya dzaʼa zlrafta lu ta skala dumbi ŋa Yawe. Dzaʼa skalay lu ta tsa skalu ya ha fitik ndəfáŋ.

Suna Yuhwana 11:3

Dzaʼa ghunaf ghuna yu ta masləmtsəkha ɗa his, ŋa suɗavata taŋ ta buhu ta vgha, ŋa zata taŋ ta fitik dəmbuʼ nda his dərmək nda mkuʼ mbsak ta mna gwaɗa ɗa ma tsa fitikha ya. »

1Sam 7:6

Ka tskavatá həŋ ma Mitspa. Ka zakaktá həŋ ta imi, ka paghata ta haɗik ta kəma Yawe, ka magatá suma baɗ tsa fitik ya, ka həŋ mantsa: « Gana ga ŋni ta dmaku ta Yawe! » ka həŋ. Ka tsanaghatá Samuyel ta guma ta la Israʼila ma Mitspa.

Izra 8:21

Ta wa tsa ghwa Ahava ya, magama maga ta suma ŋa maraŋta hanata ghəŋa mu da Lazglafta mu, ŋa vlamata ni ta zɗakwa vgha ma mbaɗa mu, amu nda zwana mu nda ya nda huzlaha mu tani, ka yu.