Mbsak 27:16 - Hdi

¹⁶ « Ka zɗəgana zɗa tsi ta Yawe, Lazglafta ta ŋanatá hafa inda skwi ta hafu, zbaf zba ta mndu ka ghəŋ ta ghəŋa guyatá ghəŋ,

Mbsak 27:16 Referans Kwoze

Mbsak 16:22

Ka zlambatá i Musa nda Haruna zluzlumbruh ta haɗik, ka həŋ mantsa: « Lazglafta ɗa, Lazglafta ta ŋanatá hafa inda skwi ta hafu. Mndu turtuk ta gatá dmaku ná, ka dzaʼa ka da ɓasanavatá ŋuɗuf ta inda guyatá ghəŋa mnduha rki! » ka həŋ.

Hebru 12:9

Skwi guli ná, mamu mu nda dadaha mu ma na ghəŋa haɗik na ta zlaha amu, ta snay mu ta gwaɗa da həŋ. Da ni ma Sulkumha yeya tama dzaʼa kwal mu sna gwaɗa da tsi ŋa mutsa hafu rki na?

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Yuhwana 10:11

Iʼi vərɗa mnda ngha tuwak, vərɗa mnda ngha tuwak ná, nda fa vgha ni ŋa tuwakha ni.

Mata 9:38

Ndəɓawa ndəɓa ta dzvu da mnda vwah ka ghuna tsi ta gwal ksa slna, ŋa tskanatá skwi ta vwah, » kaʼa.

1Sam 12:13

Ndanana tama, wana mgham zbap kuni, ya ɗawaŋ kuni, ka vlaghunatá Yawe.

Vrafta ta zlahu 31:14

Ka Yawe nda Musa mantsa: « Wana ndusak ndusa fitika mtakwa gha. Hgaŋ hga ta Yəhusuwa ka lama kuni his his da tumpula guyaku, ka mnanafta yu ta skwi ŋa magay ni, » kaʼa. Ka lam i Musa nda Yəhusuwa sladata ma tumpula guyaku.

1Mgh 5:5

Ka nzakw la Yuda nda la Israʼila ta nzakwa taŋ ləŋləŋ, daga ma Daŋ ga mazlay dikw da Bəʼerseva ga maghura, dər wa ma vwaha inaba ni, nda ya ma vwaha ghurafa ni, ma inda nzakwa Salumuŋ nda hafu.

Mbsak 27:15

Ka Musa nda Yawe mantsa:

2Mgh 11:8

Ka wanafta kuni ta mgham dendesl, inda kaghuni nda huzla vulu ma dzvu, ka pgha kuni ta mgham da inda vli ta dzaʼa tsi. Dər wa tsi ta ndusadaghata ta vata kaghuni, ka dzata kuni, » kaʼa.