Mbsak 24:20 - Hdi

²⁰ Ka nghaŋtá Bilgham ta la Ghamalek ka tsaftá tsi ta laha ni, kaʼa mantsa: « Ghamalek ná, si naha mndəra mnduha ya, ama kɗavakta ni, ka kufik dzaʼa nzakwa tsi, » kaʼa.

Mbsak 24:20 Referans Kwoze

Sabi 17:14

Ka Yawe nda Musa mantsa: « Vindam vinda nda vinda ta tsa skwiha ya ma ɗelewer, ŋa nzakwa ni ka skwa havu. Mnana mna ta Yəhusuwa kazlay na dzaʼa kɗana kɗa yu ta la Ghamalek demdem, haɗ mndu dzaʼa havglapta ka həŋ ɗekɗek ta ghəŋa haɗik wu kəʼa, » kaʼa.

Asta 9:14

« Magawa maga manda va tsaya, » ka mgham. Ka vindaftá lu, ka dgamta ma Susaŋ, ka dzagwagatá lu ta tsa zwana Haman ghwaŋ ya ta udzuha.

Asta 3:1

Tahula luta tsa skwiha ya, ka ŋlanaftá mgham Ahasverus ta Haman zwaŋa Hamədataʼ mndəra la Agag. Ka vlaŋtá tsi ta vla mamali mali ta ghəŋa mnduha mgham ka mali ka mali ta nzaku kawadaga nda tsi.

1Rus 4:43

Ka pslatá həŋ ta pɗakwa la Ghamalek si ta hwahwayapta, ka nzatá hahəŋ hada ha gita.

1Sam 30:17

Ka rdzak Dawuda ta həŋ daga ta tsughbura sərɗək baɗ va tsaya, ha ga hawu ga mahtsima ni. Haɗ mndu ma həŋ ta ndapta wu, ba duhwalha fwaɗ dərmək (400) ta ŋlaftá ŋalibwaha ka hwayaghuta yeya.

1Sam 30:1

Ta ɓhadaghatá i Dawuda nda mnduha ni baɗ mahkəna fitik da Tsiklag ná, ghada ghada la Ghamalek ta zləɗatá nda vulu ta haɗika Negev, nda ya ma luwa Tsiklag. Ka badzanatá həŋ ta Tsiklag ka driŋta nda vu.

1Sam 14:48

Ka maraŋtá tsi ta mbrakwa ni, ka zatá tsi ta ghwa ta ghəŋa la Ghamalek, ka zluʼaptá tsi ta la Israʼila ma dzva gwal ta zləɗatá həŋ.

Gwal tsa guma 6:3

Inda sləgafta la Israʼila ta sləgu ya ná, lafa la Midyaŋ, nda la Ghamalek, nda gwal nda təv safa fitik da liŋtá həŋ nda vulu.

Sabi 17:16

Kaʼa mantsa: « Kapafwa kapa ta ŋizla Yawe nda ta luwa! Dzaʼa vulay Yawe ta vulu nda la Ghamalek ha ta zivir zivirha taŋ, » kaʼa.

Sabi 17:8

Ka lagha la Ghamalek da gəmata nda vulu nda la Israʼila ma Rəfidim.

Zlrafta 36:12

Ka nzatá Timna ka markwa sanagha ga Ilifaz, zwaŋa Ghesav, ka yanatá tsi ta Ghamalek ta Ilifaz. Tsaha ya zighiha Ghada, markwa Ghesav.

Mbsak 24:7

Ta tsrufaku imi ma bakwata ni, dzaʼa mutsay hulfa taŋ ta imi dagala. Dzaʼa malay mghama taŋ ta Agag, dzaʼa malaghu mala ga mghama taŋ ta mbraku.

Mbsak 24:19

Ma Yakubu dzaʼa saba mndu dzaʼa ga mgham, ŋa zaɗanata ni ta pɗakwa gwal ma tsa luwa ya, » kaʼa.

Mbsak 24:24

Dzaʼa sliʼap sliʼa kwambaluha ma Kitim, dzaʼa ghuyanap ghuya ta ɗaŋwa ta la Asur, nda la Ghever, dzaʼa zaɗana zaɗa lu guli ta tsatsi ŋa ɗekɗek, » kaʼa.

1Sam 15:2

Wya ká Yawe mghama gwal vulu mnata: “Ta havak hava yu ta skwi ya magana la Ghamalek ta la Israʼila, ta sab həŋ ma Masar. Ka hanaftá həŋ ta tvi ta həŋ.