Mbsak 22:36 - Hdi

³⁶ Snaŋta Balak kazlay waʼa Bilgham ta sagha kəʼa, ka sagha tsi da gumay ha da luwa Muwav ta mukuma Arnuŋ ta kɗavakta kwakwara ni.

Mbsak 22:36 Referans Kwoze

Slna gwal ghunay 28:15

Ka snaŋta zwana ma ma zlghay nda ŋuɗuf ta nzakway ma luwa Ruma kazlay: Waʼa həŋ ta sabi kəʼa, ka sliʼaftá həŋ ka sagha da guya aŋni ha ta luma Apyus nda ya ma sana vli ta hgə lu ka vla hani hkən ya. Nghay Pwal ta həŋ, ka rfu tsi ta Lazglafta, ka ufəglavafta vgha ni.

Gwal tsa guma 11:18

Ka mbaɗ həŋ ta mbaɗa ma mtak, ka tsanaghatá warawara ta haɗika Idum nda haɗika Muwav, ka ɓhadaghatá həŋ nda təv safa fitik ta haɗika la Muwav. Ka fatá həŋ ta ghuɓa taŋ ta ɓla Arnuŋ, lam a həŋ da haɗika Muwav wu, kabga Arnuŋ ná, mukuma nda la Muwav ya.

Vrafta ta zlahu 3:8

« Ma tsa fitik ya, ka hlaghutá mu tama ta kwakwar si ma dzva mghamha la Amuru his ta sana ɓla Yardeŋ, zlrafta ni ma zala Arnuŋ dikw ta ghwá Hermuŋ.

Vrafta ta zlahu 2:24

Ka Yawe nda iʼi tama mantsa: “Sliʼafuwa sliʼa ka dzaʼa kuni tsughwaɗapta zala Arnuŋ, wya vlaghuna vla yu ma dzva ghuni ta Sihuŋ, mghama la Amuru ta ga mgham ma Hesbuŋ ya, nda haɗika ni tani. Zlrafwa zlra ta zatá haɗika taŋ, ka guyata nda vulu nda tsi.

Sabi 18:7

Ka sab Musa da tsuʼaftá dzidza ni, ka dzatá tsi ta ghəŋ, ka brusatá tsi, ka guvtá həŋ ta zgu, ka lam həŋ da həga tumpul.

Zlrafta 46:29

ka payaftá Yusufu ta mwata plisa ni ka laf tsi da Guseŋ da guyaku nda da ni Israʼila. Na gi nghay ni, ka lagha Yusufu habuwaʼ ta ŋurzluŋa ni. Ta ŋurzluŋa ni ka nzəɗavata tsi ta taw.

Zlrafta 18:2

Kəʼa Abraham klaŋtá ghəŋ ná, ka nghaŋtá tsi ta mnduha hkən ta sladu manda a ndusa nda tsi. Nghaŋta ni ta həŋ, ka sliʼaftá tsi nda hwaya daga tawa tsa həga tumpul ya, da guya həŋ, ka tsəlɓatá tsi ka dzatá ghəŋ ta haɗik.

Zlrafta 14:17

Ta vraktá Abram tahula zatá ni ta mgham Kədurlaghumer, nda tsa mghamha kawadaga nda tsi ya, ka sab mghama Sədum da guyay ma didiŋa ma Save ta nzakway ka didiŋa mgham.

1Sam 13:10

Nda kɗakwa ni ta vlatá tsa skwa pla ghəŋ ŋa dray tsuh tsuh ya, nda sagha Samuyel. Ka sab Sawulu da guyay ŋa tsuʼafta.

Mbsak 22:35

Ama ka duhwala Yawe nda tsi mantsa: « La nda na mnduha na, ama gwaɗa dzaʼa mnaghata yu dzaʼa ka da mnay, » kaʼa. Ka laghu Bilgham kawadaga nda tsa maliha Balak ya.

Mbsak 22:37

Ka Balak nda Bilgham mantsa: « Kidaghi ghwanadapta ɗa ta mnduha da hga kagha! Kabgawu kwal ka sagha na? Slaghu a yu ka vlaghatá glaku wu ra? » kaʼa.