Mbsak 21:9 - Hdi

⁹ Ka magaftá Musa ta nahaɗik ka ghuva tili, ka hagata ta udzu. Hiʼidata nahaɗik ta mndu ya, nghay tsa mndu ya ta tsa nahaɗika ghuva tili ya, gi nda mba.

Mbsak 21:9 Referans Kwoze

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

Yuhwana 12:32

Iʼi, baɗu kapaɗifta lu ta na ghəŋa haɗik ya, dzaʼa tɗaktɗak yu ta inda mnduha da iʼi, » kaʼa.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

La Ruma 1:17

Tsa Lfiɗa Gwaɗa ya ta maray kinawu ká Lazglafta ta nanaftá mnduha ka gwal tɗukwa tawa ira ni zlghafər həŋ. Haɗ sana tvi wu, ta ghəŋa tsa zlghay nda ŋuɗuf ya kweŋkweŋ. Nda nza manda ya nda vinda ma deftera kazlay: Mndu ta zlghafta Lazglafta ná, tsaya mndu tɗukwa tawa ira Lazglafta, tsa mndu ya guli dzaʼa nzata nda hafu kəʼa.

1 Yuhwana 3:8

Mndu ta gɗata ta maga dmaku ná, mista halaway tsa mndu ya, kabga ta maga dmaku halaway daga ka yawu zlrafta ni ta gata. Tsaya kəl Zwaŋa Lazglafta ka saha. Saha ni ta ghəŋa haɗik ná, ŋa zliŋtá slna halaway.

Yuhwana 1:29

Ga mahtsima ni ka nghə Yuhwana ta *Yesu ta sagha da tsi. « Wana zwaŋa tuwaka Lazglafta ta klaghutá dmakwa mnduha.