Mbsak 2:25 - Hdi

²⁵ Nda təv mazlay, ka fata mndəra la Daŋ ta ghuɓa taŋ ka bakwa gwal vulu ka bakwa gwal vulu mista drapwa taŋ. Mali ma mndəra la Daŋ ná, tsaya Ahiʼezer zwaŋa Ammisadday.

Mbsak 2:25 Referans Kwoze

Mbsak 1:12

Ma mndəra la Daŋ, Ahiʼezer zwaŋa Ammisadday.

Mbsak 10:25

Ka sliʼi drapwa ghuɓa la Daŋ ka bakwa gwal vulu ka bakwa gwal vulu, hahəŋ nuʼa hula inda ghuɓuha. Ahiʼezer zwaŋa Ammisadday ta kla həŋ,

Mbsak 7:71

nda slaha his, nda maŋazakha hutaf, nda dugzumha hutaf, nda slaɓalakwa tuwakha hutaf turtuk turtuk vakwa taŋ, ŋa pla ghəŋa zɗaku. Tsaha ya mbəha Ahiʼezer zwaŋa Ammisadday.

Mbsak 7:66

Baɗ maghwaŋa fitik ná, Ahiʼezer zwaŋa Ammisadday mali mataba mndəra la Daŋ ta kladaghatá mbəha ni.

Mbsak 1:38

Ka klaftá mbsaka ŋa mndəra la Daŋ ta dəmbuʼ mkuʼ mbsak his mida nda ndəfáŋ dərmək (62.700).

Mbsak 2:26

Mbsaka gwal vula ni vivindaf lu ná, dəmbuʼ mkuʼ mbsak his mida nda ndəfáŋ dərmək (62.700) həŋ.

Mbsak 3:35

Mali ma mndəra la Mərari ta uʼa taŋ ná, tsaya Tsuriʼel zwaŋa Avihayil. Ka fata la Mərari ta uʼa taŋ ta ghuɓa taŋ nda təv mazlaya həga tumpul.