Mbsak 11:16 - Hdi

¹⁶ Ka Yawe nda Musa mantsa: « Tskiha tska ta galata mnduha ndəfáŋ mbsak mataba la Israʼila, gwal graf ka kazlay na galata mnduha həŋ, mala mnduha həŋ kəʼa. Ka hladaghata ka ta həŋ da tumpula guyaku, ka sladata həŋ hada nda kagha.

Mbsak 11:16 Referans Kwoze

Sabi 24:1

Ka Yawe nda Musa mantsa: « Safwa sa da iʼi, kaghuni nda Haruna, nda Nadav, nda Avihuʼ, nda sanlaha ma la galata mndu ndəfáŋ mbsak mataba la Israʼila. Ka tsəlɓakta kuni diʼiŋ.

Sabi 24:9

Tahula tsa, ka laf Musa ta ghwá nda i Haruna, nda Nadav, nda Avihuʼ, nda tsa la galata mnduha ndəfáŋ mbsak mataba la Israʼila ya.

Vrafta ta zlahu 16:18

« Ka paghamta kuni ta gwal tsa guma, nda gwal nghapta ma inda mndəra ghuni ma inda luwaha dzaʼa vlaghunata Yawe, Lazglafta ghuni, ka tsanata həŋ tɗukwa ta guma ta mnduha.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Zlrafta 46:27

Zwana Yusufu ta yayatá ma Masar guli, his həŋ. Inda gwagwata gwal ma həga ga Yakubu ta laha da Masar ná, ndəfáŋ mbsak həŋ.

Lukwa 10:17

Manda laghwa tsa gwal ndəfáŋ mbsak his mida ya, ka varaktá həŋ nda rfu katakata. « Mgham ɗa! Nduk nda duhwalha halaway tani ná, sna sna həŋ ta gwaɗa davanaghar ŋni ta həŋ nda hga gha, » ka həŋ nda *Yesu.

Lukwa 10:1

Tahula tsa ka zabəglaptá Mgham *Yesu ta sanlaha ma duhwalha ndəfáŋ mbsak his mida, ka ghunaftá tsi ta həŋ his his his ta kəma ta kəma da inda vli ya má dzaʼa ɓhata tsatsi.

Sabi 4:29

Ka sliʼaftá i Musa nda Haruna ka laghu, ka tskanatá həŋ ta inda la galata mndu mataba la Israʼila.

Vrafta ta zlahu 31:28

Tskagaghawa tska ta vata iʼi ta inda la galata mndu ma mndəra ghuni, nda gwal nghapta ka kaghuni, ka mnata yu ta tsa gwaɗaha ya ta wa sləməŋa taŋ, ka fata yu ta luwa nda haɗik ka masləmtsək,

Sabi 18:25

Ka zabaptá tsi ta mnduha nda sgit ta həŋ mataba la Israʼila demdem, ka fafanaghatá tsi ta həŋ ta ghəŋa mnduha: Maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha.

Mbsak 11:24

Ka sab Musa ma tumpul, ka klaŋtá mnduha ta gwaɗa mna Yawe, ka tskanatá tsi ta mnduha ndəfáŋ mbsak mataba la galata mnduha, ka sladanatá həŋ ka wanaftá tumpul.

Mbsak 16:25

Ka sliʼaftá Musa ŋa dzaʼa slanaghatá i Dataŋ nda Aviram. Ka sliʼaftá galata mnduha Israʼila mista ni.