Mata 9:18 - Hdi

¹⁸ Tata mna tsa gwaɗa ya *Yesu ŋa taŋ mantsa, ka lagha sana mali mataba la *Yahuda zləmbata ma ghuva ni. Kaʼa nda tsi mantsa: « Ta nzəɗava a makwa ɗa manda saba hafu mida wa, sawi fanaghatá dzva gha ta ghəŋa ni ka mbafta tsi, » kaʼa.

Mata 9:18 Referans Kwoze

Mata 8:2

Ka lagha sana mndu nda rɗa mndu tida zləmbata ma ghuva ni, kaʼa mantsa: « Mghama ɗa, ka ta kumay ka, laviŋ lava ka ta mbiɗifta, » kaʼa.

Lukwa 13:14

Ka kuzlanaftá tsi ta ŋuɗuf ta mgham ta ghəŋa tsa həga tagha skwa la Yahuda ya, kabga tsa mbanafta Yesu ta mndu baɗu Sabat ya. « Mamu fitik mkuʼ ŋa maga slna sagha ghuni da mbamba vgha ghuni ma tsa fitikha ya, baɗu Sabat a wu, » kaʼa nda tsa tskatá vgha mnduha ya.

Yuhwana 11:32

« Mghama ɗa! Ka má hadna ka ná, má mta a zwaŋama ɗa wu, » Ka Mari zləmbatá ma ghuva Yesu nghaŋər tsi manda ɓhadaghata ni da tsa vli nda tsi ya.

Mata 9:24

Kaʼa nda həŋ mantsa: « Laghwala, ta mta a na makwa na wu, hani ta hani tsi, » kaʼa. Ka ghuɓasu həŋ.

2Mgh 5:11

Ka ɓasaftá Naghamaŋ ta ŋuɗuf ka gi sliʼaftá tsi ka mbaɗa, kaʼa mantsa: « Ka yu sizlay na: “Dzaʼa sab sa tsa anabi ya da iʼi, ŋa hgaŋta ni ta hga Yawe, Lazglafta ni, ŋa zukwaŋta ni ta dzvu ta tsa vla ɗaŋwa ɗa ya, ka mbanafta ni ta na ghwaɗaka lku na,” ka yu sizlay.

Slna gwal ghunay 13:15

Tahula dzadzaŋafta lu ta vli ma deftera zlaha Musa, nda ya ma deftera anabiha, ka maliha ma tsa həga tagha skwa la Yahuda ya nda həŋ mantsa: « Zwana ma ɗa, ka mamu gwaɗa da kaghuni ŋa vlaŋtá mbraku ta mnduha, laviŋ lava kuni ta gwaɗay ndana, » ka həŋ.

Yuhwana 11:25

Ka Yesu nda tsi mantsa: « Iʼi tsa mndu ta sliʼaganaptá gwal nda rwa ŋa nzəglata taŋ nda hafu ya. Mndu ta zlghaftá iʼi dər mtu mta tsi, dzaʼa nza nza nda hafu.

Lukwa 18:18

Ka ɗawaŋtá sana mghama la *Yahuda da *Yesu kaʼa mantsa: « Ŋərma mgham, nu da a yu magay ka da mutsafta yu ta hafu ŋa kɗekedzeŋ na? » kaʼa.

Lukwa 7:2

Hada, mamu sana mghama sludza la Ruma kul ɗughwanaku kwalva ni ya ɗvu tsi katakata, ta dzaʼa mtaku.

Mata 28:17

Na gi nghay taŋ ta Yesu, ka tsəlɓatá həŋ ta kəma ni. Ama ta dga ghəŋ sanlaha.

Mata 17:14

Ndusadaghata taŋ ta vata dəmga, ka gi ndadaghatá sana mndu tsəlɓata ma ghuva *Yesu,

Mata 15:25

Ama ka lagha tsa marakw ya tsəlɓata ma ghuva ni: « Mghama ɗa, katá ta iʼi, » kaʼa.

Mata 14:33

« Kagha ná, vərɗa Zwaŋa Lazglafta ka, » ka tsa gwal ma kwambalu ya sliʼadaghata da tsəlɓu ma ghuva Yesu.

Mata 20:20

Tahula tsa, ka lagha ma ni ma zwana Zebedi nda zwana ni. Ka tsəlɓata tsi ta kəma ni ŋa ɗawa skwi da tsi.

Mata 8:25

Ka sliʼaftá duhwalha ni ka lagha sliʼanafta. Ka həŋ nda tsi mantsa: « Mghama ɗa, katá ta amu, dzaʼa rwaku mu! » ka həŋ.

Mata 9:17

Haɗ lu guli ta pghamtá ima inabi ta ka nunu da halata zliba huta wa. Ka mantsa tsi, dzaʼa tutá tsa zliba huta ya, ŋa mbuzuta ima inabi, lpay lu ma zliba huta guli. Ima inabi ta ka nunu ná, ma zliba huta ta ka lfiɗa ni ta pghamta lu. Tsaya dzaʼa kəl həŋ his his ka nzata ɗina. »

Mata 9:19

Ka sliʼaftá Yesu kawadaga nda duhwalha ni, ka dzaʼa mista tsa mali mataba la Yahuda ya.

Slna gwal ghunay 28:8

Tsaw ta hani da ni ma Publiyus ta ghəzləŋ ta ɓasa ŋuɗidar nda klu tani. Ka lagha Pwal da nghanaghata, ka fanaghatá tsi ta dzvu, ka maga duʼa da Lazglafta ta ghəŋa ni, ka mbanaftá tsi.