Mata 7:19 - Hdi

¹⁹ Inda fu kul zɗaku yakwa ni, ta tsiŋ tsa lu ka vzamta ma vu.

Mata 7:19 Referans Kwoze

Mata 3:10

Nda ghada fata wa slpaɗa mista fuha ŋa ratsiŋta nda slrəŋ nda slrəŋ. Inda fu kul zɗaku yakwa ni, dzaʼa tsiŋ tsa lu ka vzamta ma vu.

Hebru 6:8

Ka lagha ni, teki nda hiwir yeya ka tsa vwah ya ɗyanafta ná, kataf a tsa ta mndu tama wu, dzaʼa ksiʼaf ksiʼa Lazglafta, dzaʼa driŋ dra lu.

Lukwa 3:9

Ɗaswa ka kuni! Nda ghada kapatá slpaɗa ŋa tsiŋtá fu daga ta slrəŋ. Inda fu ya kul zɗaku yakwa ni, dzaʼa tsiŋ tsa lu ka vzamta ma vu, » kaʼa.

Yuda 1:12

Ta ksaku ka hula nzata ghuni ka za skwa zay kawadaga nda həŋ. Ghəŋa taŋ skwi snaŋ həŋ. Hahəŋ gwal ta ŋəriŋtá skwa zay ma vla guyatá ghəŋa mnduha ka za skwi, ksa a hula ta həŋ wa. Manda ŋatá matətɗu ta vusliŋ falak ya həŋ, manda fu kul haɗ ta yafta dər ma fitika yakwa ni tsi ya həŋ. Manda fu tɗiŋ lu nda slrəŋ nda slrəŋ ta mtuta ka ghwaluta dzuŋuŋ ya həŋ.

Danyel 4:14

Tsa skwi kura lu ya ná, gwal ta nghapta ta wa lilwa ta klagatá lwa ni. Tsa skwi hbaf lu ya guli ná, gwal nda ghuɓa ta mnafta, ŋa snaŋta inda skwi nda hafu mida kazlay Lazglafta Dagala ta nzanaghatá inda ga mgham ta gə mnda səla kəʼa. Tsatsi ta vla ga mgham ŋa mndu ya ta kum tsi, tsatsi ta ŋlanaftá mndu ya kul haɗ ghəzliwa ni.

Mata 7:18

Haɗ fu zɗa ta laviŋta yaftá yakwa fu kul zɗaku wa. Manda tsaya guli ná, haɗ fu kul zɗaku ta yaftá yakwa fu zɗa guli wa.

Titus 3:14

Ɗina ka taghanaftá gwal zlghay nda ŋuɗuf manda amu ta ŋavata ka maga skwiha ɗina ɗina, ŋa kataŋta taŋ ta gwal htaghu skwi da həŋ, kabga dzaʼa mutsay həŋ ta nisəla taŋ.