Mata 7:13 - Hdi

¹³ « Lamwa la nda ta wa tgha slrehwa, kabga wa tgha bughwa ná, bla a lab tida wa ta kla mndu da vla zaɗaku. Nda ndəgha gwal ta dzaʼa nda tida.

Mata 7:13 Referans Kwoze

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 10:9

Iʼi wa tgha gamaka tuwak, ka lam la mndu nda ta iʼi, dzaʼa mbaku. Dzaʼa laviŋ lava ta lami ka sabi, ŋa mutsafta ni ta skwa zay ni.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Mata 3:2

« Mbəɗanafwa mbəɗa ta nzakwa ghuni, kabga ndusa ga mghama Lazglafta ka sagha, » kaʼa.

Mata 3:8

Ka maga kuni tama ta slna dzaʼa maraŋtá mbəɗata nzakwa ghuni.

2Kwa 6:17

Tsaya kəl Lazglafta ka mnay ŋa mnduha ni kazlay: Sliʼapwa sliʼa mataba taŋ, ka dgaghuta kuni ta vgha nda həŋ, ma ksaŋ kuni ta skwi kul raku, tsaya dzaʼa kəl yu ka dzrafta nda kaghuni.

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Suna Yuhwana 20:15

Ka slanagha a lu ta vindatá ta hga dər wati ma mndu ma tsa deftera hafu ya wu katsi, dzaʼa klaf kla lu ta tsa mndu ya ka vzaghata da duda vu.

Filip 3:19

Kɗavakta ni ná, dzaʼa zwaɗu zwaɗa həŋ, kabga fa fa həŋ ta huɗa taŋ ka Lazglafta taŋ. Dər skwa hula ta mag həŋ ná, rfa taŋ ŋa taŋ. Ta ghəŋa skwa ghəŋa haɗik yeya ŋa taŋ ta ndanay.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

Suna Yuhwana 20:3

Ka vzaghatá tsi da tsa gudzuvruŋ ya, ka hunustá tsi ta wa tgha ni ka ŋərzlafta, kada kwala tsi ta nangəltá mnduha ta ghəŋa haɗik ha ka hɗatá tsa vaku dəmbuʼ ya. Tahula tsaya, ŋa zligiŋta ŋa vaku kwitikw.

1 Yuhwana 5:19

Nda sna amu kazlay: Nda na amu ka zwana Lazglafta kəʼa. Sanlaha ma mnduha ta ghəŋa haɗik ná, ta ma dzva halaway həŋ demdem.

Mata 25:46

Ŋa sliʼa tsaha ya da vla ghuya ɗaŋwa ŋa kɗekedzeŋ, ta sliʼi gwal ta snatá gwaɗa Lazglafta da vla hafu ŋa kɗekedzeŋ guli, » kaʼa.

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Zlrafta 6:12

Ka nghanatá Lazglafta ta haɗik ná, nda ɓadza. Ɓadziŋ ɓadza Inda skwi ta hafu ná, tərɗiŋ tərɗa həŋ ta nzakwa taŋ ta haɗik.

Suna Yuhwana 13:8

ŋa tsəlɓay inda mnduha ta ghəŋa haɗik ta tsəlɓu ŋa ni, Tsa gwal kul vindaku hga taŋ ma defteri hafu daga zlrafta ghəŋa haɗik da Zwaŋa. Tuwak ya si dza lu ya dzaʼa tsəlɓa tsa tsəlɓu ya.

La Ruma 9:22

Ka manda tsaya kumaŋta Lazglafta ta maraŋtá ɓasata ŋuɗufa ni, nda maraŋta ni ta mbrakwa ni ma suʼay ni nda ksatá ŋuɗuf katakata ta ghəŋa gwal nda fa ŋa zwaɗuta ma ɓasata ŋuɗufa ni ya ní, nu ŋa gha mida tama na?

Lukwa 14:33

Mantsa tama, haɗ mndu dzaʼa laviŋtá nzata ka duhwala ɗa mataba ghuni, ka zliŋ a tsi ta inda skwiha ni wu, » ka Yesu sganaghata.

Suna Yuhwana 12:9

Ka sliŋwigiŋtá lu ta tsa mghama makɗakatandaŋ ya. Tsaya ta nzakway ka dzidza nahaɗik, ta hgə lu ka halaway, ghwaɗaka sulkum ta nana inda ghəŋa haɗik. Ka sliŋwigiŋtá lu ta haɗik kawadaga nda duhwalha ni tani.

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Lukwa 9:33

Ma fitika dgay tsa mnduha ya ta vgha nda Yesu, ka Piyer nda Yesu mantsa: « Maləma ɗa! Ɗina ka nzakwa mu hadna, ka magaf maga ŋni ta həga tumpul hkən. Pal ŋa gha, pal ŋa Musa, pal ŋa Iliya! » kaʼa. Tsaw, snəgla a Piyer ta skwi ta mnə tsi wa.

Mata 7:14

Wa tgha slrehwa ná, nda bla ka lu ta lab tida, ta kla mndu da hafu. Sira a gwal ta mutsa lab tida guli wa. »