Mata 6:13 - Hdi

¹³ Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Mata 6:13 Referans Kwoze

1Kwa 10:13

Inda tsa dzəghuha ta grughunusta ya ná, dzəghuha ta raŋtá mnda səla ya. Lazglafta ná, ŋərma mndu ya. Haɗ dzaʼa zlaŋtá dzəghə ŋa dzəghaghunata ka malaghutá mbrakwa ghuni, da traptá kuni ta spafta wa.

Yuhwana 17:15

Ndəɓa a yu ta dzvu da kagha ŋa hlaptá həŋ ma ghəŋa haɗik wa. Ama nghay yeya dzaʼa ka ngha həŋ da katkata tsa ghwaɗak ya.

Mata 26:41

Nzawa nza ndiri ka ndəɓa kuni ta dzvu, kada ŋaŋta kuni ta skwi dzaʼa dzəghaghunata. Ta kumay kuni ta maga skwi ɗina mndani, ama haɗ mbrakwa sluʼuvgha ghuni wu, » kaʼa.

Suna Yuhwana 19:1

Tahula tsa, ka snaŋtá yu ta lwi dagala ta ŋzlata ta luwa manda lwa tskata mnduha. Kaʼa mantsa: « Zləzlvawa Lazglafta, tsatsi ta mba mnduha. Ŋa Lazglafta mu glaku nda mbraku tani.

2Tes 3:3

Mgham Yesu ná, vərɗa mndu ya, dzaʼa mbraghunafmbra, ŋa nghay ni ta kaghuni da halaway.

Mata 6:10

Ka sagha sa fitika ga mghama gha, ka maga ka ta skwi ta kum ka ta haɗik, manda ya ta magaku ta luwa.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

1Rus 29:11

Yawe, ŋa kagha glaku, nda mbraku, nda wuɗaku, nda ghubu, nda tsuwaɗak, kabga ŋa gha inda skwiha ta luwa nda ya ta haɗik. Yawe, gá mgham ná, ŋa gha ya, hem kagha ta ghəŋa inda skwiha.

Suna Yuhwana 21:4

ŋa masanaptani ta həŋ ta inda ima taw ma ira taŋ. Ta haɗ mtaku dzaʼazlay ɗekɗek wa. Ta haɗ taw dzaʼazlay ɗekɗek guli wu, dər wahu, dər kuzlakwa skwi, kabga lula taŋtaŋa skwiha.

Suna Yuhwana 3:10

Manda va ya ŋana kagha ta gwaɗa ɗa ka gɗavata mida ya, dzaʼa ŋa gha ŋa iʼi ta kagha guli ma ghuya ɗaŋwa dzaʼa dəɗanaghatá inda ghəŋa haɗik ŋa dzəghaŋtá həŋ ya.

1 Yuhwana 3:8

Mndu ta gɗata ta maga dmaku ná, mista halaway tsa mndu ya, kabga ta maga dmaku halaway daga ka yawu zlrafta ni ta gata. Tsaya kəl Zwaŋa Lazglafta ka saha. Saha ni ta ghəŋa haɗik ná, ŋa zliŋtá slna halaway.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

1Rus 16:36

Rfu ŋa Yawe, Lazglafta la Israʼila, kul haɗ zlrafta ni, nda kɗavakta ni! » ka həŋ. Ka mnə mnduha demdem: « Amin! Zləzləvama Yawe! » ka həŋ.

1Rus 4:10

Ka taw Yaghbets ta taw da Lazglafta la Israʼila, kaʼa mantsa: « Ka tfiɗaghata ka ta wi kahwathwata nda ma sgiɗaghatá kwakwara ɗa! Ka ha ka ta dzvu mista ɗa! Ka ngha ka ta iʼi da zləmnda nda inda ghuya ɗaŋwa, » kaʼa. Ka tsuʼanaftá Lazglafta ta skwi ɗawaŋ tsi.

Vrafta ta zlahu 8:16

Ma va tsa mtak ya, ka zughunustá tsi ta manna, skwa zay ya kul snaŋta dzidzíha ghuni, kada hanaganatá tsi ta ghəŋa ghuni ŋa dzəghaghunata, ŋa nzakwa ghuni ləŋləŋ ma rfu dazlay.

Sabi 15:18

Ari Yawe, dzaʼa gay ka ta mghama gha ŋa ɗekɗek ha ŋa kɗekedzeŋ! » ka həŋ.

Zlrafta 22:1

Tahula luta tsa skwiha ya, ka dzəghaŋtá Lazglafta ta Abraham. Kaʼa nda tsi mantsa: « Abraham! » kaʼa. Ka Abraham mantsa: « Wana yu! » kaʼa.

Galat 1:4

Vərɗa Yesu ka ghəŋa ni ta vlatá ghəŋa ni ŋa mbamafta ma dmakwa mu. Ka hlagamaptá ma na ghwaɗaka nzaku ta na zamana ná, manda ya kumaŋ Da mu Lazglafta.

2Kwa 1:20

Nda ma tsatsi ta mna Lazglafta ta « aŋi » nda inda skwi tamaf tsi ta imi ta sləməŋ. Tsaya ta kəl amu ka mnay nda ma Yesu Kristi kazlay: Mantsa ya nzakwa ni kəʼa, ŋa vlaŋtá glaku ta Lazglafta.

Mbsak 5:22

Ka lam la tsa imi ta klaktá ksiʼi ya da huɗa gha, ŋa həslaghaftá huɗi, ŋa dərzlaghaftá mndər!” kaʼa. Ka tsa marakw ya dzaʼazlay mantsa: “Amin! Ka nza tsi mantsa,” kaʼa.

Suna Yuhwana 2:10

Ma zləŋ ka ta ghuya ɗaŋwa ya dzaʼa ka da ghuyay. Ya wya halaway dzaʼa hlafta sanlaha ma kaghuni ka pghamta ma gamak ŋa dzəghaghunata, ŋa zaghunatá fitik ghwaŋ ta giri ŋa ghuni. Ka sladafta ka ta zlghay nda ŋuɗufa gha dər ŋa dzata kagha tsi. Dzaʼa vlagha vla yu ta hafu ŋa nisəla vəl zata gha ta ghwa.

Suna Yuhwana 1:18

iʼi hafu. Si nda mta yu, ama nda hafu yu ndana ŋa kɗekedzeŋ. Ma dzva ɗa ŋanata yu ta makuɓla mtaku nda həga mtaku tani.

Mata 5:37

Gwaɗa ya ŋa sabi ma wa ghuni ná, ka aŋi tsi, aŋi. Ka mantsa a tsi wu, mantsa a wa. Inda ya dzaʼa sganaghata lu ta ghəŋa tsaya ná, sagha da halaway. »

Danyel 4:25

Ka slanaghatá inda tsa skwiha ya ta mgham Nevuhadnetsar.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

1Kwa 14:16

Ka mantsa a tsi wu, ka ta rfay ka ta Lazglafta ma sulkuma gha kweŋkweŋ, waká hamata mndu ta snay kul snaŋtá tsa gwaɗa ya, dzaʼa mna « amin » ta ghəŋa tsa rfu rfa ka ya, ka sna a tsi ta tsa skwi mna ka ya na?

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Danyel 7:18

Ama ŋa mutsafta mnduha nda ghuɓa ka ŋa Lazglafta Dagala ta mbrakwa ga mgham, ŋa ŋanata taŋ ɓurkuts ŋa ɗekɗek, kul haɗ kɗavakta ni,” kaʼa.

1Mgh 1:36

Ka Benaya, zwaŋa Yəhuyada zlghanaftá wi mantsa: « Ka nza tsi mantsa! Má ka mnaf mna Yawe, Lazglafta rveri, mghama ɗa manda tsaya!

Suna Yuhwana 19:4

Ka gi zlambatá tsa halata mnduha hisambsak fwaɗ mida ya, nda tsa skwiha fwaɗ nda hafu ma həŋ ya, ka tsəlɓu ta kəma Lazglafta ta nzaku ta dughuruk. Ka həŋ mantsa: « Amin! Zləzlvawa Lazglafta, » ka həŋ.

Suna Yuhwana 5:13

Ta snə yu, ka inda skwiha zlaganap Lazglafta ta luwa, nda ya ta ghəŋa haɗik tani, nda ya ta mnaka haɗik tani, nda ya ma drəf tani, nda inda skwi ya mamu tani, ka həŋ guli mantsa: « Ŋa mndu ta nzaku ta dughuruk, nda Zwaŋa Tuwak na zləzlvu, nda ghubu, nda glaku, nda mbraku ŋa kɗekedzeŋ! » ka həŋ.

Suna Yuhwana 3:14

« Vinda ŋa duhwala Lazglafta ta nzakway ka ŋa *Igliz ma luwa Lawdikiya. « Wya gwaɗa ta mnə mndu ta hgə lu ka Amin. Mndu ya ta nzakway ka vərɗa tughwa ni nda kahwathwata ni. Nda ma tsatsi magafta Lazglafta ta inda skwi demdem.

Hebru 11:36

Ŋa sanlaha ya guli ná, gag nda gaga lu ta həŋ, ka sləvaptá həŋ. Tsatsaf nda tsatsa lu nda ziɗa ta sanlaha ka pghamta ma gamak.

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!