47 « Wya ta haga Iliya, » ka tsa gwal ta snay hada ya.
Ka ta kumay kuni ta snaŋta katsi ná, Yuhwana tsa Iliya dzaʼa vragaghata ya.
Lagha vli ta nzemndi hkən tama, ka wahatá *Yesu nda lwi dagala. « Eluwa! Eluwa! Lama sabaktani, » manda mnay kazlay: « Da ɗa! Da ɗa! kabgawu kəl ka ka zliɗivata na? » kəʼa ya.
Ka gi hwayaftá sana mndu turtuk mataba taŋ, ka laghu klaftá susu, ka tsumamta ma imi masmasa, ka hbuŋta ta wa udzu, ka vlay ŋa ni ŋa say ni.
