Mata 26:64 - Hdi

⁶⁴ Ka Yesu nda tsi mantsa: « Manda va ya mna kagha nda wa gha. Ka yu ta sgaghunaghata ta ghəŋa ni ná, daga ndanana, dzaʼa nda ngha kuni ta *Zwaŋa mndu ta nzaku nda ga zeghwa Lazglafta ta mbruta, dzaʼa nda ngha kuni ta saha ni ma kusay ta luwa guli, » kaʼa.

Mata 26:64 Referans Kwoze

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Markus 14:62

Ka Yesu zlghanaftá mantsa: « Aŋi, iʼi ya. Dzaʼa nda ngha kuni ta iʼi *Zwaŋa mndu ta nzaku nda ga zeghwa Lazglafta nda mbra. Dzaʼa nghay kuni ta saha ɗa ma kusay ta luwa guli, » kaʼa.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Lukwa 21:27

Ma tsaya dzaʼa nghaŋta lu ta *Zwaŋa mndu ta saha ma mbrakwa ni nda glakwa ni dagala ma kusay.

Mata 24:30

Ma tsaya tama dzaʼa ngha lu ta saha zwaŋa mndu ta luwa ŋa wahay mnduha ta ghəŋa haɗik ka wahu, ŋa nghay taŋ ta *Zwaŋa mndu ta saha ta luwa ma ghwayak nda inda mbrakwa ni, nda inda glakwa ni.

Mata 26:25

Ka Zudas dzaʼa vlata ma dzva mnduha ya guli mantsa: « Ari iʼi a ní Mghama ɗa? » kaʼa. « Manda va ya mna kagha nda wa gha, » ka Yesu nda tsi.

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Suna Yuhwana 20:11

Tahula tsa, ka nghaŋtá yu ta sana dughuruk ka ŋusliŋ dagala, ta nzaku mndu tida. Ka nutá haɗik nda luwa lay ta kəma ni. Nghəglaŋta a lu ta həŋ wa.

1Tes 4:16

Baɗu tsaya, dzaʼa ghudzaga ghudzaga lwa Lazglafta, ŋa kapaŋta mali ta ghəŋa duhwalha ni ta lwi, ka vyatá dula Lazglafta, ŋa saha Mghama mu Yesu ka ghəŋa ni ta luwa, ŋa sliʼagapta gwal nda rwa ma *Kristi karaku taŋtaŋ,

Slna gwal ghunay 1:11

Ka həŋ nda həŋ mantsa: « Mnduha la Galili, kabgawu ta kəl kuni ka pgha iri ta luwa na? Tsa Yesu klap lu mataba ghuni, ka klaghata ta luwa ya ná, dzaʼa vraga vra manda va tsa nghay nghə kuni ta sliʼa ni ta luwa ya, » ka həŋ.

Yuhwana 18:37

« Tsaw va mgham kagha rke? » ka Pilat nda tsi. « Manda va tsa mna ka ya, Mgham yu. Yaya lu ta iʼi ŋa sagha mnaŋtá kahwathwata ma na ghəŋa haɗik na. Inda mndu ta nzakway ka ŋa kahwathwata ná, ta snay ta gwaɗa ɗa, » ka Yesu.

Lukwa 22:70

« Zwaŋa Lazglafta kagha nda yeya tama rke? » ka həŋ hlaftá wi. « Manda tsa nzakwa ni manda ya mna kuni, » kaʼa nda həŋ.

Mata 27:11

Ka kladaghatá lu ta *Yesu ta kəma Pilat ta nzakway ka ŋumna. « Kagha na mghama la *Yahuda na ra? » ka ŋumna ɗawaŋta da tsi. « Manda va tsa mna ka ya, » ka Yesu nda tsi.

La Ruma 14:10

Kagha tama, kabgawu ta kəl kagha ka tsa guma ta ghəŋa zwaŋama gha? Kagha guli! Kabgawu ta kəl kagha ka mnay i wa kagha na, kaʼa nda zwaŋama gha na? Wya dzaʼa lagha la inda amu demdem ta kəma Lazglafta ŋa tsamaghata ni ta guma.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »

Mata 22:44

“Ka Mgham nda Mghama ɗa na: Sawi nzata nda ga zeghwa ɗa, ha ka nanafta ɗa ta ghumaha gha ka skwa ta diŋlay səla gha,” kaʼa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Lukwa 22:69

Daga ndanana, dzaʼa nza nza *Zwaŋa mndu nda ga zeghwa Lazglafta nda mbra. » Ka Yesu zlghanaftá wa ni ta həŋ.