Mata 26:40 - Hdi

⁴⁰ Ka sliʼafta tsi ka vradaghata slanaghatá duhwalha ni, psla psla hani ta həŋ. Kaʼa nda Piyer mantsa: « Trapta ghuni ta nzata ndiri kawadaga nda iʼi dər ka awa turtuk tsa ra?

Mata 26:40 Referans Kwoze

Markus 14:37

Ka sliʼaftá tsi ka vrakta slanaghatá duhwalha ni, ka slanaghatá tsi ta həŋ ta hani. Kaʼa nda Piyer mantsa: « Simuŋ, ta hani ka ra? Laviŋ a ka ta nzəɗavata ta nzaku ndiri dər ka kiʼa ra!

Lukwa 22:45

Manda kɗakwa ni ta maga duʼa, ka sliʼaftá tsi ka lagha slanaghatá duhwalha ni ta hani kabga nda gurɗa ŋuɗufa taŋ katakata.

Mata 26:43

Ka vrəglagaghatá tsi ka sləglanaghatá həŋ ta hani, nda ghərɓa həŋ da hani.

Lukwa 9:32

Ma tsa fitik ya, nda ghərɓa i Piyer nda graha ni da hani, sliʼavata taŋ, ka nghaŋtá həŋ ta glakwa Yesu nda tsa mnduha his ya ta vata ni.

Mata 26:35

« Dər ŋa mtuta ɗa kawadaga nda kagha tsi, haɗ yu dzaʼa mnay kazlay: Sna a yu ta kagha wu kəʼa wu, » ka Piyer. Manda va tsaya ka inda sanlaha ma duhwalha ni mnata guli.

Mata 26:38

Kaʼa nda həŋ tama mantsa: « Tɗatɗa ŋuɗufa ɗa manda skwi dzaʼa dzihata. Nzawa nza hadna, ka nzata kuni ndiri kawadaga nda iʼi, » kaʼa.

Mata 25:5

Ka gərɗatá zwaŋamidzi ka sagha misimmisim. Ka zuŋur hani ta həŋ, ka pslatá hani ta həŋ demdem.

1Mgh 20:11

Ama ka mgham Ahav zlghanaftá wi mantsa: « Lawa tama da mnanata! Yaha mndu ta hba huɗi ŋa dzaʼa da vulu dá dza ghuva, manda mndu ta vrakta tahula zata ni ta ghwa! » kaʼa.

Gwal tsa guma 9:33

Ga sərɗək, na safa fitik ya, ka dɗanaghata ka ta gwal ma luwa nda vulu. Saba i Gaghal nda mnduha ni da guyata nda kagha ya, ka maganata ka ta skwi ya kumaŋ ka, » kaʼa.

Mata 26:41

Nzawa nza ndiri ka ndəɓa kuni ta dzvu, kada ŋaŋta kuni ta skwi dzaʼa dzəghaghunata. Ta kumay kuni ta maga skwi ɗina mndani, ama haɗ mbrakwa sluʼuvgha ghuni wu, » kaʼa.