Mata 26:15 - Hdi

¹⁵ Kaʼa nda həŋ mantsa: « Nu dzaʼa vlihata kuni ka vlaghuna vla yu ta *Yesu na? » kaʼa. Ka vlaŋtá həŋ ta sulay hkən mbsak.

Mata 26:15 Referans Kwoze

Sabi 21:32

Ka vuʼa ka zgun ka ka marakw a tsi, dzuŋ sla nda duli katsi, planata tsa mnda sla ya ta sulay hkən mbsak ta daŋahəga ni ma tsa vuʼa ya. Dzaʼa zlamba zlamba lu ta tsa sla ya nda pala ka dzata.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.

1Tim 3:3

ma nza tsi ka mndu ta sa ima inabi, ma nza tsi ka mndu ta sidi, ama leɓtekw ka nzakwa ni. Ma nza tsi ka mndu ta ghazeŋzeŋ, ma nza tsi ka mndu ɗvutá ta tsedi.

Slna gwal ghunay 1:18

Nda tsa tsedi plana lu ma vəl dzata ni ta mndu ya, ka skwata tsi ta vwah. Ka dəɗagatá tsi nda ga ma ghəŋghəŋ ka pslutá huɗa ni pɗah. Mbəlaɓaɓ, ka hara ni saghwi ta daɓi.

Gwal tsa guma 17:10

Ka Mika nda tsi mantsa: « Nza nza ga ini, ka nzakwa ka ka da nda ya ka mnda dra skwi ŋa Lazglafta. Dzaʼa vlagha vla yu ta sulay ghwaŋ ma vaku, nda lgutha, nda skwa zay, » kaʼa. Ka lam tsa mnda la Levi ya nzata ga Mika.

Gwal tsa guma 16:5

Ka laf maliha la Filisti slanaghatá tsa marakw ya. Ka həŋ nda tsi mantsa: « Gataf gata ŋa snaŋta ka ga ta sagha na mbrakwa ni ta fərtuta na, ka kinawu ká ŋni dzaʼa suta ghəŋa ni. Dzaʼa habaf haba ŋni ŋa htanaghutá mbrakwa ni. Dzaʼa vlagha vla inda dər wati ma aŋni ta sulay dəmbuʼ nda dərmək (1.100), » ka həŋ.

Zlrafta 38:16

Ka mbəɗavatá tsi ka lagha da tsi ta wa tvi, kaʼa nda tsi mantsa: « Kdəkkdək, mbaɗa da ghuni mamu gwaɗa ɗa nda kagha! » kaʼa, kabga sna a tsatsi kazlay ghwaʼala ni ya kəʼa wu. Ka Tamar mantsa: « Nu dzaʼa vlihata ka, kada dzaʼa ka da iʼi na? » kaʼa.

Mata 10:4

nda Simuŋ mnda la Kananit, nda Zudas Iskaryut ta skwaptá Yesu ya.

Mata 26:16

Daga ma tsa fitik ya, ka zbə tsi ta tvi ya nda ra ŋa vlata ni ta Yesu.

La Levi 27:4

Ka marakw tsi, ka sulay hkən mbsak dzaʼa nzakwa sgita ni.