Mata 20:25 - Hdi

²⁵ Ka hagadaghatá Yesu ta həŋ, kaʼa nda həŋ mantsa: « Nda sna kuni ná, ta gay mghamha ta ghəŋa mnduha ta má mgham mghama taŋ ta ghəŋa taŋ. Gwal dagala dagala guli, ta maray hahəŋ ta mbrakwa taŋ ta ghəŋa taŋ.

Mata 20:25 Referans Kwoze

Markus 10:42

« Saghawa sa, » ka Yesu nda həŋ. « Nda sna kuni ta gwal ta nghə lu manda mghamha ta ghəŋa mndəra mnduha ná, ta gay həŋ ta mamgham mghama taŋ. Gwal kulaŋ lu guli, ta maray hahəŋ ta mbrakwa taŋ ta ghəŋa taŋ.

Mata 11:29

Zba a yu ta nzaghunaghata wa. Klawa kla ta ndəgaku ya ta klə yu, ka tagha kuni ta skwi da iʼi, mantsa ya dzaʼa kəl kuni ka mutsaftá mbiʼa vgha.

Danyel 5:19

Dabga tsa glaku vlaŋ Lazglafta ya, si ta ghudzaku inda mnduha, mndəra mnduha ta gwaɗa kavghakavgha ta sagha ta haɗikha da zləŋ ta kəma ni. Ta dza dza ta mndu ya kumaŋ tsi ta dzata, ta zlana zla ta mndu ya kumaŋ tsi ta zlanata nda hafu. Ta ŋlanaf ŋla ta mndu ya kumaŋ tsi ta ŋlanafta, ta vragana vra ta mndu ya kumaŋ tsi ta vraganata guli.

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Mata 20:24

Snaŋta tsa pɗakwa duhwalha ghwaŋ ya ta tsa gwaɗa ya, ka ɓasanavatá həŋ ta ŋuɗuf ta tsa zwanamaha his ya.

1 Piyer 5:3

Ma zbə kuni ta ga má mgham mgham ta ghəŋa gwal pghaghunam Lazglafta ma dzvu. Nzawa nza ka gwal ŋa ksay taŋ ta saɗa ghuni.