Mata 20:21 - Hdi

²¹ « Nu ta kum ka na? » ka *Yesu nda tsi. « Wana na zwana ɗa his na, sagha fitika ga mghama gha ya ná, ka mnata ka, ŋa nzata na zwana ɗa na, nda ga zeghwa gha ya, nda ga zlaɓa gha ya, ka yu, » kaʼa nda tsi.

Mata 20:21 Referans Kwoze

Mata 19:28

Ka Yesu nda həŋ mantsa: « Kahwathwata ka yu ta mnaghunata, ma mbəɗavafta inda skwi dzaʼazlay ná, dzaʼa nzafta ta dughurukwa glakwa ni na Zwaŋa mndu. Kaghuni gwal ta dzaʼa mista ɗa ya guli, dzaʼa nzanzafta ta dughurukha ghwaŋpəɗ his kaghuni, ŋa tsa guma ta ghəŋa mndəra la Israʼila ghwaŋpəɗ his guli.

Asta 5:3

Ka mgham nda tsi mantsa: « Nu ta kum ka ní Asta, markwa mgham, nya ta ɗaw ka na? Dər má nahgani tsi, ta vlagha vla yu. Dər má sləɓahwa ga mghama ɗa tsi, » kaʼa.

Mata 18:1

Ma tsa fitik ya, ka gavanavatá duhwalha ni ta *Yesu, ka həŋ mantsa: « Wa ta nzakway ka mali ma ga mghama Lazglafta na? » ka həŋ.

Slna gwal ghunay 1:6

« Mghama ɗa, ma na fitik na dzaʼa sladanafta ka ta ga mghama la Israʼila ra? » ka tsa gwal ghunay ta tskavata ta vata ni ya ɗawaŋta da tsi.

Markus 6:22

Baɗu va tsaya tama, ka lam makwa tsa Hiridiya ya ka skalu ta kəma tsa mnduha ta tskavata ya. Ka zɗanaftá tsa skala ni ya ta ŋuɗufa Hiridus nda tsa gwal hagaf tsi ya tani. Ka Hiridus nda tsa makwa ya mantsa: « Ka nu dzaʼa kumafta maya gha ya, ɗawiha ɗawa dzaʼa vlagha vla yu, » kaʼa.

Mata 20:32

Ka sladavatá Yesu, ka hgadaghatá tsi ta həŋ. « Nahgani ta kum kuni ta magaghunata ɗa na? » kaʼa nda həŋ.

1Mgh 3:5

Ma Givghuŋ, ka zlagaptá Yawe da Salumuŋ ga rviɗik ma suni. Ka Lazglafta nda tsi mantsa: « Ɗawiha ɗawa ta skwi ta kum ka, ka vlaghata yu! » kaʼa.

Kwalus 3:1

Kawadaga nda Kristi sliʼagapta kuni ma mtaku. Zabawazaba tama ta skwiha ya ta luwa, ma vli ya nza Kristi nda ga zeghwa Lazglafta ya.

La Ruma 12:10

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

Yuhwana 15:7

Ka gɗava gɗa ndiʼatá kaghuni ta iʼi, ka gɗava gɗa gwaɗa ɗa guli ma kaghuni katsi, ɗawawa ɗawa ta inda skwi ta kum kuni, dzaʼa mutsay kuni.

Lukwa 22:24

Ka sliʼavaftá gwaɗa ɗuk mataba tsa gwal ghunay ya. Wa ta nzakway ka mali mataba mu na? ka həŋ zlərɗanafta.

Lukwa 19:11

Tata snay snay həŋ ta tsa skwi ya, ka sganaghatá *Yesu ta mahdihdi kabga ndusanavatani ta luwa Ursalima. Guli ná, zlah gi dzaʼa zlagap zlaga ga mgham Lazglafta, ka mnduha ta ndanay.

Lukwa 18:41

« nu ta kum ka ta magaghata ɗa na? » ka Yesu ɗawaŋta da tsi. « Maləma ɗa, ka nghəglaŋta yu ta vli, » kaʼa nda tsi.

Markus 10:51

Ka ɗawaŋtá Yesu da tsi. Kaʼa mantsa: « Nu ta kum ka ta magaghata ɗa na? » kaʼa. « Maləma ɗa, ka nghəglaŋta yu ta vli, » kaʼa.

La Ruma 8:34

Wa ya dzaʼa laviŋta ksutá həŋ ma guma na? *Yesu *Kristi ná, mtu mta. Ta nzaku nda ga zeghwa Lazglafta, ta maga duʼa da manaka amu.

1Mgh 2:19

Ka sliʼaftá Batʼseva ka lam da mgham Salumuŋ ŋa gwaɗa ma vla Aduniya. Ka sliʼaftá mgham da gmay, ka tsəlɓata ta kəma ni. Tahula tsa ka nzatá tsi ta dughurukwa ni, fanaha ta sana dughuruk ta ma ni, ka nzatá tsi nda ga zeghwa ni.

Markus 16:19

Tahula mnanata Mgham *Yesu ta tsa gwaɗa ya ta həŋ, ka klaghatá Lazglafta ta luwa, ka nzanatá tsi nda ga zeghwa ni.

Mata 20:22

« Sna a kuni ta skwi ta ɗawu kuni wa. Dzaʼa laviŋ lava kuni ta sa leghwa tsa ghuya ɗaŋwa dzaʼa yu ghuyay ya ra? » ka Yesu. « Dzaʼa say ŋni! » ka həŋ nda tsi.