Mata 19:22 - Hdi

²² Na snaŋta tsa duhwal ya ta tsa gwaɗa ya, ka ɓasaftá tsi ta ŋuɗuf ka sliʼafta ka laghu, kabga gadghəl ya.

Mata 19:22 Referans Kwoze

Mata 6:24

« Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Mata 13:22

Tsa vli ma teki rkam hulfa mida ya guli ná, tsaya gwal ta snaŋtá gwaɗa Lazglafta, ka laghu həŋ da ndana skwiha ma ghəŋa haɗik, nda skwa gadghəl, ka raghwanatá tsa skwiha ya ta tsa gwaɗa ya ma həŋ, ka niŋtá həŋ ka ksubaŋ.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Markus 10:22

Na snaŋta tsa mndu ya ta tsa gwaɗa ya, ka laghu tsi nda ɓasatá ŋuɗuf, kabga gadghəl ya.

Mata 16:26

Tsa lagha mndu ka mutsaftá na ghəŋa haɗik na demdem ka ŋa ni, ka nda zaɗa hafa ni ní, nu dzaʼa ghəzlanata tsi na? Ari mamu a skwi dzaʼa laviŋta mndu ta varatá hafa ni nda tsi na?

Lukwa 18:23

Na snaŋta ni ta tsa gwaɗa ya, suʼanak kuma ni kabga gadghəl ya katakata.

Mata 14:9

Suʼanak ka mgham nzata. Ama kabga ghada ghada ta waɗanata, hada tsa gwal hagadagha lu ya kay guli, kaʼa mantsa: « Lawa la da tsagaghata ka vlaŋta kuni, » kaʼa.

Markus 6:26

Suʼanak ká mgham nzata. Lavgliŋ a ta sɗanafta wu, kabga nda ghada waɗanatani ta kəma tsa gwal hagaf tsi ya.

Mata 19:21

Ka Yesu nda tsi mantsa: « Ka ta kumay ka ta nzakwa gha hem katsi ná, la ka dzawiŋta ka ta inda skwa gha, ka daganafta ka ta tseda ni ta gwal ka pɗu. Dzaʼa mutsay ka ta gadghəl ta luwa, tahula tsa ka sagha ka, ka dzaʼa ka mista ɗa, » kaʼa.

Mata 19:23

Ka Yesu nda duhwalha ni mantsa: « Kahwathwata ka yu ta mnaghunata, nda bla katakata ka lama mndu ta fafta ghəŋa ni ta gadghəl da ga mghama Lazglafta.

Yuhwana 16:20

Kahwathwata ka yu ta mnaghunata, dzaʼa taway kuni ta taw, dzaʼa ŋaɗay kuni ta ghəŋ, ta rfu mnduha ta ghəŋa haɗik ta rfu. Dzaʼa gurɗaku ŋuɗufa ghuni, ŋa nutá tsa gurɗatá ŋuɗufa ghuni ya ka rfu.