Mata 16:13 - Hdi

¹³ Ɓhadaghata *Yesu ta haɗika *Sezare Filip, ka ɗawaŋtá tsi da duhwalha ni: « Wayaka mnduha ta mnay ta *Zwaŋa mndu na? » kaʼa nda həŋ.

Mata 16:13 Referans Kwoze

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Yuhwana 5:27

Ka vlaŋtá tsi ta mbrakwa tsa guma, kabga nzakwa ni ka *Zwaŋa mndu.

Mata 9:6

Ala, kada grafta kuni mamu *Zwaŋa mndu nda mbrakwa pliŋtá dmakwa mnduha ta na ghəŋa haɗik na kəʼa, » kaʼa nda tsa mndu nda rwa səla ni ya mantsa: « Sliʼaf sliʼa gha, kla ta kativiŋa gha ka dzaʼa ka dzagha gha, » kaʼa.

Mata 13:37

Kaʼa nda həŋ mantsa: « Tsa mndu ta sləgamtá vərɗa hulfa hya ya ná, *Zwaŋa mndu ya.

Mata 12:8

*Zwaŋa mndu ná, tsatsi mgham ta ghəŋa fitika Sabat, » kaʼa.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 7:56

Kaʼa nda həŋ kay guli mantsa: « Wana nda ngha yu ta gunatá luwa. Waʼa *Zwaŋa mndu ta sladu nda ga zeghwa Lazglafta, » kaʼa.

Yuhwana 12:34

« Dzaʼa nzata ŋa kɗekedzeŋ *Kristi, ka aŋni taghafta ma deftera zlahu ná, waká kagha tama ta mnay kazlay: Dzaʼa kapanaf kapa lu ta *Zwaŋa mndu kəʼa. Wa tsa Zwaŋa mndu ya? » ka tsa dəmga ya.

Markus 10:45

Wya tsi, sa a *Zwaŋa mndu kabga ŋa maganata lu ta slna wa, ama ŋa nzaku ka kwalva mnduha, vlaha ta hafa ni ŋa vara ndəghata mnduha guli, » ka Yesu zlghanaftá wa ni ta həŋ.

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Mata 15:21

Tahula tsa ka sliʼafta *Yesu ma tsa vli ya ka laghwi ta haɗika Tir nda ya nda ta haɗika Tsiduŋ.

Mata 13:41

Dzaʼa ghunaga ghuna Zwaŋa mndu ta duhwalha ni ŋa talaptá inda gwal ta pghamtá mndu da ga dmaku, nda gwal ta maga ghwaɗaka skwi, ŋa hliŋtá həŋ diʼiŋ nda ga mghama ni,

Mata 12:32

Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Yuhwana 3:14

Manda va ya kapadaf Musa ta nahaɗika ghuva tili ta udzu ma mtak ya, manda va tsaya dzaʼa kapadafta lu ta Zwaŋa mndu,

Yuhwana 1:51

Ka Yesu sganaghata mantsa: « Kahwathwata ka yu ta mnaghunata, dzaʼa nda ngha kuni ta gunatá luwa buwaŋ ŋa ŋla duhwalha Lazglafta, ŋa saha taŋ ta ghəŋa *Zwaŋa mndu, » kaʼa.

Mata 12:40

Manda va ya maga anabi Yunusa ta vaghu hkən nda rviɗik hkən ma huɗa mghama klipi ya, manda va tsaya guli dzaʼa magata Zwaŋa mndu ta vaghu hkən nda rviɗik hkən ma haɗik.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »