Mata 14:19 - Hdi

¹⁹ « Nzawa nza nda nza ta kuzuŋ, » kaʼa nda mnduha. Ka nzatá mnduha rpaʼ. Ka hlaftá tsi ta tsa buradiha hutaf nda tsulhwa klipi his ya, ka nghadaftá tsi nda ta luwa, ka rfanaghatá tsi ta Lazglafta, ka ɓalanaptá tsi ta tsa buradi ya, ka valaŋtá duhwalha ni ŋa dgay ŋa dəmga.

Mata 14:19 Referans Kwoze

Lukwa 24:30

Ta zə tsi ta skwa zay kawadaga nda həŋ, ka klaftá tsi ta buradi, ka rfanaghatá Lazglafta, ka ɓlanaptá tsi, ka valaŋtá tsi ta həŋ.

1Sam 9:13

Na gi ɓhadamta ghuni da luwa ya ná, dzaʼa slay kuni ma kɗaku tsi da ŋlaghata ta vli tskala da za skwa zay. Nziya nza tsi ná, haɗ mnduha dzaʼa zutá skwa zay ta kul lagha tsatsi wu, kabga tsatsi dzaʼa ɗawa tfa wi ta ghəŋa tsa pla ghəŋ ya. Tahula tsa, ŋa zay gwal mbala lu ta skwa zay. Lawa misimmisim, kabga dzaʼa slay kuni, » ka həŋ.

Slna gwal ghunay 27:35

Kɗakwa ni ta tsa gwaɗa ya, ka klafta tsi ta buradi, ka rfanaghatá Lazglafta ta ghəŋa ni ta kəma taŋ demdem, ka ɓalanaptá tsi, ka zay.

Markus 6:41

Ka hlaftá Yesu ta tsa buradi hutaf, nda tsulhwa klipi his ya. Ka nghadaftá tsi nda ta luwa ka rfanaghatá Lazglafta. Tahula tsa mantsa, ka ɓalanaptá tsi ta tsa buradi ya, ka valaŋtá duhwalha ni, ŋa daganaftá tsa mnduha ya. Mantsa guli, ka daganaftá tsi ta tsa tsulhwa klipi his ya ta həŋ.

1Kwa 11:24

ka rfanaghatá tsi ta Lazglafta ta ghəŋa ni, ka ɓlanaptá tsi, kaʼa mantsa: « Nana na ná, sluʼuvgha ɗa ya ŋa ghuni, ka maga kuni ta na skwi na ŋa havay ghuni ta iʼi, » kaʼa.

La Ruma 14:6

Ma tsa mndu ta daganaptá ya má, ŋa Mgham Yesu ta maga tsi. Tsa mndu ta za inda skwi ya, ŋa Mgham Yesu ta maga tsi, kabga ta rfanagha rfa ta Lazglafta ta ghəŋa ni. Mndu kul za inda tsa skwiha ya, ŋa Mgham Yesu ta maga tsatsi guli, ta rfay tsatsi guli ta Lazglafta.

Kwalus 3:17

Dər nahgani ta mag kuni, dər nahgani ta mnə kuni, magawa maga ma hga Mghama mu *Yesu, ka rfa kuni ta Lazglafta Da mu nda ma tsatsi.

1Kwa 10:16

Tsa leghwa tfa wi ta sə mu, ka rfa Lazglafta ta ghəŋa ni ya ní, nza a ka guyatá amu nda *Kristi nda ma usa ni ra? Tsa buradi ta dguvusta mu ya guli ní, nzaʼa ka guyatá amu nda Kristi nda ma sluʼuvgha ni guli ra?

Lukwa 9:14

[Tsaw ta magay mnduha ta dəmbuʼ hutaf ma tsa vli ya.] « Mnanawa mna ta həŋ ka tsakavata həŋ hutaf mbsak hutaf mbsak, » ka Yesu nda duhwalha ni.

Markus 7:34

Ka nghadaftá Yesu nda ta luwa, ka hlafta tsi ta hafu. « Efasla, » kaʼa. Manda mnay kazlay: Guna guna kəʼa ya, nda gwaɗa luwa taŋ.

1Kwa 10:31

Dər nu ta zə kuni, dər nu ta sə kuni, dər nu sana skwi ta mag kuni, magawa inda ni ŋa vlaŋtá glaku ta Lazglafta.

Yuhwana 6:23

Ma va tsa fitik ya, ka sliʼaftá sana kwambaluha ma luwa Tiberiya, ka ɓhadaghatá həŋ ndusa nda tsa vli kəl Mgham Yesu ka rfanaghatá Lazglafta ta ghəŋa buradi, ka zutá mnduha ya kay.

Markus 6:39

Ka Yesu nda duhwalha ni mantsa: « Mnanawa mna ta mnduha ka nza nzata həŋ ka ghuɓu ka ghuɓu ta kuzuŋa mkwenek, » kaʼa.

Yuhwana 11:41

Ka taŋwalaghutá həŋ ta tsa klam ya. Ka nghadaftá Yesu nda ta luwa, kaʼa mantsa: « Da! Ta rfay yu ta kagha, kabga ta zlghaf zlgha ka ta tawa ɗa.

Lukwa 22:19

Ka kapaftá tsi ta buradi, tahula rfanaghatani ta Lazglafta, ka ɓlanaptá tsi, kaʼa mantsa: « Nana na ná, sluʼuvgha ɗa ya vla lu ŋa ghuni, ka maga kuni manda nana ŋa havay ghuni ta iʼi, » kəʼa ka vlaŋtá tsi ta həŋ.

Lukwa 9:16

Ka hlaftá Yesu ta tsa buradiha hutaf ya, nda tsa tsulhwa klipi his ya, ka nghadaftá tsi nda ta luwa, ka rfanaghatá tsi ta Lazglafta ta ghəŋa ni, ka ɓalanaptá tsi ka valaŋtá duhwalha ni ŋa daganaftá mnduha.

Mata 14:18

« Hligiɗighawa hla, » kaʼa.

Lukwa 22:17

Ka kapaŋtá tsi ta leghwa, ka rfanaghatá tsi ta Lazglafta, kaʼa mantsa: « Zlgha wa ta na leghwa na, ka rafta kuni tida, kaʼa.