Mata 13:54 - Hdi

⁵⁴ Ka ɓhadaghata tsi da luwa Nazaret ta nzakway ka luwa ta glakwa ni. Ka taghə tsi ta skwiha ŋa mnduha ma həga tagha skwa taŋ. Ka ndərmim həŋ, ka həŋ mantsa: « Wa ta vlaŋtá mndərga na ma ɗifil? Wa ta vlaŋtá mbrakwa maga mndərga na ma mazəmzəm?

Mata 13:54 Referans Kwoze

Mata 7:28

Manda kɗiŋta *Yesu ta mna tsa gwaɗaha ya, ka ndərmim mnduha katakata ta tsa tagha skwa ni ya,

Mata 4:23

Ka rə *Yesu ta inda haɗika Galili, ka tagha skwi ŋa mnduha ma həgaha tagha skwa la *Yahuda, ka mna *Lfiɗa Gwaɗa ta ghəŋa ga mghama Lazglafta, ka mbamba mnduha ma inda ɗaŋwaha taŋ, nda inda ya ta raghwa həŋ.

Mata 2:23

Ka laghu tsi nzata ma sana luwa ta hgu lu ka Nazaret. Nda nza mantsa ya ŋa dzanaghatá ghəŋa gwaɗa ya mana la anabiha, ka həŋ mantsa: « Mnda la Nazaret dzaʼa hga lu, » ka həŋ.

Slna gwal ghunay 13:46

Zləŋaŋə a i Pwal nda Barnabas ta həŋ wa. Ka həŋ mantsa: « Nda ra má ka tiŋlaghutá mna gwaɗa Lazglafta ŋa kaghuni mazlay, ka kwalaghutá kaghuni. Ra a aŋni ka mutsa hafu ŋa kɗekedzeŋ wu ka kuni ya, dzaʼa mbəɗaghutá vgha ŋni nda təv gwal kul nzakway ka la Yahuda ndana tama.

Slna gwal ghunay 4:13

Ka ndərmim tsa gwal dagala dagala ta tskavata ya ta tatá us ta ira i Piyer nda Yuhwana. Ka nghə həŋ guli ná, má si ka gratá mndu həŋ, dzaŋa a dzaŋa taŋ wa. Gwal tani ta dzaʼa mista Yesu ya ka hahəŋ ta gray.

Yuhwana 1:11

Sagha ni da mnduha, ka kwalaghuta mnduha ta tsuʼafta.

1Sam 10:11

Ka nghə gwal si nda sna ta tsatsi ghalya ná, ta kla lwa Lazglafta Sawulu kawadaga nda anabiha! Ka mnduha mataba taŋ mantsa: « Nya ta slanaghatá zwaŋa Kis na? Mataba anabiha na Sawulu guli ra? » ka həŋ.

Lukwa 2:47

Faflara, ka tsa gwal ta sna tsa zlgha wi ta zlghə tsi nda tsa snaŋtá skwa ni ya.