Mata 12:29 - Hdi

²⁹ « Ari, waká mndu dzaʼa laviŋtá lami da həga ga mndu nda mbra ka hluguduŋtá huzla ni ta kul habaftá tsi ta tsa mndu nda mbra ya na? Tahula tsaya dzaʼa kəl tsi ka hluguduŋtá huzla ni.

Mata 12:29 Referans Kwoze

Markus 3:27

Ka ta habaf a mndu ta mndu nda mbra wu katsi ná, laviŋta a ta lami da həga ga taŋ ka hlugudunustá huzla ni wa.

1 Yuhwana 4:4

Kaghuni zwana ɗa, zwana Lazglafta kaghuni, ghuɓasap ghuɓasa kaghuni ta tsa gwal nana mndu ya, kabga mal tsa Sulkum ma kaghuni ya mbrata ni ka tsa sulkum ma gwal ma ghəŋa haɗik ya.

1 Yuhwana 3:8

Mndu ta gɗata ta maga dmaku ná, mista halaway tsa mndu ya, kabga ta maga dmaku halaway daga ka yawu zlrafta ni ta gata. Tsaya kəl Zwaŋa Lazglafta ka saha. Saha ni ta ghəŋa haɗik ná, ŋa zliŋtá slna halaway.

Mata 12:28

Ala, ka si nda Sulkuma Lazglafta ta ghəzla yu ta ghwaɗaka sulkumha katsi, ɓhavaghunaɓha ga mghama Lazglafta nda tsa tama.

Mata 12:30

« Mndu kul haɗ mista ɗa ná, ghuma ɗa tsa mndu ya. Mndu kul haɗ ta katihata nda tskanata guli ná, kwizidiŋtá ŋa tsa mndu ya ta kwizay.