Mata 11:3 - Hdi

³ da ɗawaŋta da *Yesu kazlay: Kagha Kristi dzaʼa sagha ya re, ari ka kəzla ŋni ta sana mndu a na kəʼa.

Mata 11:3 Referans Kwoze

Yuhwana 11:27

Ka Marta nda tsi mantsa: « Aŋni mghama ɗa, zlghaf zlgha yu kazlay: Kagha ná, *Kristi Zwaŋa Lazglafta ya dzaʼa saha ta ghəŋa haɗik ka, » kaʼa nda tsi.

Hebru 10:37

Ka lu vindafta ma deftera Lazglafta na: « Ta ɓets nzɗa guli ná, dzaʼa sagha sa tsa mndu dzaʼa sagha ya, gərɗata a wa.

Yuhwana 7:31

« Baɗu saghar Kristi ní, dzaʼa magay ta mazəmzəm ka malaghutá ŋa na mndu na ri? » ka ndəghata sanlaha ma mnduha mataba tsa dəmga ya.

Yuhwana 6:14

« Nana mndu na vərɗa anabi dzaʼa sagha ta ghəŋa haɗik mnə lu kay ya, » ka tsa mnduha ta nghaŋtá mazəmzəm maga Yesu ya.

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Yuhwana 16:14

Tsatsi dzaʼa maraŋtá glakwa ɗa, kabga skwi da iʼi dzaʼa tsuʼafta tsi ŋa mnay ŋa ghuni.

Yuhwana 12:13

Ka ɓal həŋ ta sluhwa zlizlam ka dzaʼa da guyay ta tvi. Ka həŋ mantsa: « Ŋa Lazglafta glaku! Ka tfanagha tfa Lazglafta ta wi ta mndu ta sagha nda hga Mgham. Ka tfanagha tfa Lazglafta ta wi ta Mghama la Israʼila, » ka həŋ ka hla wi.

Yuhwana 4:21

Ka Yesu nda tsi mantsa: « Marakw na, zlghaf zlgha ta iʼi. Dzaʼa sagha sa fitik dzaʼa kwal kuni maga duʼa ŋa Da ta na ghwá na, dər ma Ursalima.

Lukwa 19:38

« Ka tfanagha tfa Lazglafta ta wi ta Mgham ta sagha ma hga ni. Zɗaku ta luwa, glaku ŋa Lazglafta ta luwa nda gaftək, » ka həŋ.

Markus 11:9

Mbaɗa gwal ta dzaʼa ta kəma Yesu nda gwal ta dzaʼa nda hula ni tani ka hla wi. « Ŋa Lazglafta glaku! Ka tfanagha tfa Lazglafta ta wi ta mndu ya ta sagha ma hga ni.

Mata 21:9

Ka hlə gwal ta kəma Yesu nda gwal nda hula ni tani ta wi, ka həŋ mantsa: « Ŋa Zwaŋa Dawuda glaku, ka tfanagha tfa Lazglafta ta wi ta mndu ta sagha ma hga Mgham Lazglafta! Ŋa Lazglafta ta luwa glaku! » ka həŋ.

Mata 21:5

« Mnanawa mna ta gwal ma luwa *Tsiyuŋ, waʼa mghama gha ta sagha da kagha, leɓtekw nzakwa ni katakata, ta sagha ta kəɗih, ta vuvuʼukwa kəɗih, ta nzakway ka zwaŋa kəɗih, » kaʼa.

Mbsak 24:17

Ta nghay yu, ama ŋa ndanana a wa. Ta vitsay yu, ama ndusa a wa: Ka sab tekwatsa da Yakubu, ma Israʼila ta sliʼafta dafa ga mgham, ta pslanaptá bizlbizla kuma la Muwav, nda bɗəma inda mndəra la Set.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Zlrafta 12:3

Dzaʼa tfanagha tfa yu ta wi ta gwal dzaʼa tfa wi ŋa gha. Dzaʼa ksiʼaf ksiʼa yu ta gwal dzaʼa ksiʼa kagha. Nda ma kagha dzaʼa mutsa inda mndəra mndu ta haɗik ta tfa wi, » kaʼa.

Mata 11:4

Ka Yesu nda həŋ mantsa: « Lawa mnanatá Yuhwana ta skwi ya snaŋ kuni nda skwi ya nghaŋ kuni.

Mata 11:10

Tsatsi tsa mndu mnə deftera Lazglafta ta gwaɗa ta ghəŋa ni kazlay: Wya yu ta tiŋlaghutá ghunafta mnda ɗa ka kagha ŋa payaghatá tvi kəʼa ya.