Markus 1:11 - Hdi

¹¹ Ka gi snaku lwa Lazglafta daga ta luwa kazlay: « Kagha zwaŋa ɗa ta ɗvu yu, ma hya hya ŋuɗufa ɗa, » kaʼa.

Markus 1:11 Referans Kwoze

Markus 9:7

Ka saha kusay tɗik bukwamtá həŋ. Ka gwaɗagaptá lwi ma tsa kusay ya. Kaʼa mantsa: « Nana na zwaŋa ɗa ta ɗvu yu nda ŋuɗufa ɗa. Snawa ta gwaɗa da tsi, » kaʼa.

Mata 3:17

« Nana na zwaŋa ɗa ya ɗvu yu, ya ta zɗəgihata katakata, » ka sana lwi snagata daga ta luwa.

Kwalus 1:13

Tsatsi ta hlaptá amu ma dzva mbrakwa grusl, ka hladamamta da ga mghama zwaŋa ni ya ɗvu tsi.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 5:37

Tsa Da ta ghunigihata ya, ta mnaŋtá gwaɗa ta ghəŋa ɗa. Aŋ mndani ta walaŋ a kuni ta snaŋtá lwa ni wa. Ta walaŋ a kuni ta nghaŋtá kuma ni guli wa.

Yuhwana 1:34

Ka nghaŋtá yu manda va tsaya. Nana mndu na ná, Zwaŋa Lazglafta ya, ka yu ta ghəŋa ni. »

Lukwa 9:35

Ka gwaɗagaptá lwi ma tsa kusay ya. Kaʼa mantsa: « Nana na zwaŋa ɗa ya zbap yu, snawa sna ta gwaɗa da tsi! » kaʼa.

Mata 17:5

Tata tsa gwaɗa ya Piyer, gi ka saha kusay ka ŋusliŋ tilil bukwamtá həŋ. Gi ka snaŋtá lu ta sana lwi ta gwaɗagapta ma tsa kusay ya: « Nana na Zwaŋa ɗa ya ɗvu yu katakata Tsatsi zbap yu, ta rfu yu ta ghəŋa ni. Snawa sna ta gwaɗa ni, » kaʼa.

Yuhwana 6:69

Zlghaf zlgha ŋni, nda sna ŋni guli kazlay: *Kristi mndu nda ghuɓa ta saha daga da Lazglafta kagha kəʼa, » kaʼa nda tsi.

Mata 12:18

Wya kwalva ɗa ya zbap yu, ya ɗvu yu, ya ta zɗəgihata katakata, dzaʼa fanagha fa yu ta Sulkuma ɗa, dzaʼa mnana mna ta inda mndəra mndu kazlay: Tɗukwa guma ɗa kəʼa.

Markus 1:10

Ta sab Yesu ma imi manda kɗaku ta maganaftá, ka nghadaftá tsi ta luwa, gi ka nghaŋtá tsi ta gunatá luwa buwaŋ, ka saha Sulkum nda ghuɓa manda ghərbuʼ ta ghəŋa ni.

Lukwa 3:22

ka saha Sulkum nda ghuɓa ta ghəŋa ni manda ghərbuʼ ta nghə mnduha. Mantsa, ka snaku lwa Lazglafta daga ta luwa ta mnay kazlay: Kagha Zwaŋa ɗa ɗvu yu ma hya hya ŋuɗufa ɗa, kaʼa.