Lukwa 9:30 - Hdi

³⁰ Gi wya mnduha his ta ghwa yiva nda tsi. I Musa nda Iliya tsa mnduha ya,

Lukwa 9:30 Referans Kwoze

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

Lukwa 24:44

Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Lukwa 24:27

Ka zlraftá Yesu ta rusa gwaɗa ta ghəŋa ni manda ya mna i Musa nda inda la anabi ma deftera Lazglafta.

Lukwa 9:19

Ka duhwalha ni mantsa: « Tsa Yuhwana mnda maga batem ya kay ya, ka sanlaha. Iliya ya, ka sanlaha. Sani mataba la anabi ghalya ya ta sliʼagapta nda hafu, ka sanlaha, » ka həŋ nda tsi.

Lukwa 1:17

Ta kəma ta kəma dzaʼa dzaʼa tsi nda slna ni ta kəma Lazglafta nda Sulkum, nda mbraku manda ŋa Iliya ŋa dzranaftá nzakw mataba dadaha nda zwana taŋ, ŋa vranaktá ghəŋa gwal ta maga ghwaɗaka skwi ka ŋərma mnduha. Mantsa ya dzaʼa payafta tsi ta mnduha ŋa fata taŋ ta vgha ŋa Lazglafta, » ka tsa duhwala Lazglafta ya nda tsi.

Lukwa 9:29

Ta mag Yesu ta duʼa, ka mbəɗavaftá kuma ni tskəm, mbəɗavafha lguta ni ka wuɗaku tilil ka ŋusliŋ.

Lukwa 9:31

ta zlagapta ta wuɗaku tili ma glakwa Lazglafta ta luwa, ta gwaɗa nda Yesu kinawu kəʼa dzaʼa kɗiŋta magata skwi ta kum Lazglafta nda ma mtakwa ni ma Ursalima.