Lukwa 9:20 - Hdi

²⁰ Kaʼa nda həŋ guli mantsa: « A ki kaghuni, wayaka kaghuni ta mnay nda iʼi na? » kaʼa. Ka *Piyer mantsa: « Kagha ná, *Kristi ka, » kaʼa.

Lukwa 9:20 Referans Kwoze

Yuhwana 7:41

« Kristi ya, » ka sanlaha. « Tsaw ma Galili dzaʼa saba *Kristi rki?

Yuhwana 4:29

Kaʼa mantsa: « Sawa ngha mndu ta mnihatá inda skwiha maga yu ɓa, zlah Kristi na mndu na? » kaʼa.

Slna gwal ghunay 17:3

Ka paslay ŋa taŋ, ka mnay kazlay: Dzaʼa ghuy ghuya *Kristi ta ɗaŋwa, dzaʼa sliʼagap sliʼa nda hafu mataba gwal nda rwa kəʼa. « Tsəna *Yesu ta mnə yu ŋa ghuni na ná, tsaya tsa Kristi ya, » kaʼa.

Slna gwal ghunay 9:22

Ka gɗavatá Sawul ka mnay: « Yesu ná, *Kristi ya, » kaʼa. Ka kɓanaftá tsi ta la Yahuda ta nzakway ma luwa Damas. Sna a həŋ ta skwi ŋa zlghanaftá wi wa.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 11:27

Ka Marta nda tsi mantsa: « Aŋni mghama ɗa, zlghaf zlgha yu kazlay: Kagha ná, *Kristi Zwaŋa Lazglafta ya dzaʼa saha ta ghəŋa haɗik ka, » kaʼa nda tsi.

Yuhwana 4:42

« Zlghaf zlgha aŋni ndanana tama makwa na, kabga gwaɗa gha mna ka yeya a wa. Nda sna vərɗa aŋni nda sləməŋa ŋni. Graf gra ŋni kahwathwata kazlay: Na mndu na ná, mnda mba mnduha ta ghəŋa haɗik ya kəʼa. »

Yuhwana 1:49

« Maləma ɗa! Kagha ná, Zwaŋa Lazglafta ka, mghama la Israʼila ka, » ka Natanayel nda Yesu.

Yuhwana 1:41

Tiŋəl ŋa zwaŋama ni Simuŋ sliʼafta tsi ka laghu da mnay. Kaʼa mantsa: « Slaf sla ŋni ta Almasihu, » kaʼa. Tsaya ta nzakway ka « Kristi. »

Markus 8:29

« Kinawu ka kaghuni, wayaka kaghuni ta mnay nda iʼi? » kaʼa kay guli. Ka *Piyer mantsa: « Kagha na: Kristi ka, » kaʼa nda tsi.

1 Yuhwana 5:1

Dər wati ma mndu ta zlghaftá mnay kazlay: *Yesu ná, *Kristi ya kəʼa, tsa mndu ya ná, nda na ka Zwaŋa Lazglafta. Ka ɗvu ɗva tsa mndu ya ta Da ni Lazglafta katsi ná, dzaʼa ɗvu ɗva guli ta zwana Lazglafta.

Slna gwal ghunay 8:36

Tata mbaɗa həŋ ta tvi, ka lagha həŋ slafta ta imi ma ghwa. Ka tsa mnda la Itiyupi ya nda tsi mantsa: « Ya wana imi na ní, nu dzaʼa pyafta magaɗiftá batem na? » kaʼa. [

Lukwa 22:67

Ka həŋ mantsa: « Kagha *Kristi ra? Mnaŋnaŋ mna, » ka həŋ. Ka Yesu mantsa: « Dər ki mnaghunata yu, zlghəta a kuni wa.

Markus 14:61

Tsəriɗa, ka Yesu nzata, zlgha a ta wa ni wa. Ka ɗawuglaŋtá tsa mali ta ghəŋa gwal dra skwi ya da tsi. « Kagha *Kristi ta nzakway ka Zwaŋa Lazglafta nda tfa wi ta ghəŋa ni ya ra? » kaʼa nda tsi.

Mata 22:42

« Kinawu ka kaghuni ta ndanay ta ghəŋa *Kristi na? Zwaŋa wa ya na? » kaʼa. « Zivira Dawuda ya, » ka həŋ nda tsi.

Mata 5:47

Ka ŋa zwaŋama gha yeya ta ga kaghuni ta zgu katsi ná, ndaw malaghuta kaghuni tama? Mantsa ya a ta maga gwal kul snaŋta Lazglafta guli ra?

Mata 26:63

Pslaf a Yesu ta wa ni wa. Ka mali ta ghəŋa gwal dra skwi ŋa Lazglafta nda tsi mantsa: « Nda həga Lazglafta nda hafu mida, ta ɗawa yu da kagha, zlghiɗif zlgha ta wa ni. Kagha *Kristi ta nzakway ka Zwaŋa Lazglafta ra? » kaʼa.

Lukwa 9:19

Ka duhwalha ni mantsa: « Tsa Yuhwana mnda maga batem ya kay ya, ka sanlaha. Iliya ya, ka sanlaha. Sani mataba la anabi ghalya ya ta sliʼagapta nda hafu, ka sanlaha, » ka həŋ nda tsi.