Lukwa 24:45 - Hdi

⁴⁵ Ka gunanaŋtá tsi ta mahizl ta həŋ ŋa snaŋtá skwi vindaf lu ma gwaɗa Lazglafta.

Lukwa 24:45 Referans Kwoze

Slna gwal ghunay 16:14

Lidiya hga sana marakw mataba taŋ, makwa luwa Tiyatir ya. Lguta dva ya nda bla nda bla dzva ni ta dzawə tsi. Ta zləŋay ta Lazglafta guli. Ka fatá tsi ta sləməŋ ka sna gwaɗa ŋni. Ka gunanaŋtá Lazglafta ta ŋuɗufa ni, ŋa tsuʼa tsa gwaɗa ta gwaɗ Pwal ya.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Lukwa 24:32

« Burburbur a ŋuɗufa u ma fitika mnay ni ta gwaɗa ta rusu tsi ta skwi ma deftera Lazglafta ŋa u ta tvi kay ra? » ka həŋ mataba taŋ.

Sabi 4:11

Ka Yawe nda tsi mantsa: « Wa ta tsanaftá wi ta mndu na? Wa ta niŋta ka rgha na? Wa ta dərzlanaftá sləməŋ na? Wa ta gunanatá iri ta mndu ŋa nghaŋtá vli na? Wa ta ghulpiŋta na? Iʼi Yawe a kasiʼi wa?

Suna Yuhwana 3:7

« Vinda ŋa duhwala Lazglafta ta nzakway ka ŋa *Igliz ma luwa Filadelfi. « Wya gwaɗa ta mnə mndu ya nda ghuɓa. Tsatsi kahwathwata, tsatsi ta ŋanata makuɓla mgham Dawuda. Ka guna guna tsi, haɗ wa mndu ka hafta wa. Ka haf ha tsi guli, haɗ wa mndu ka gunata guli wa.