Lukwa 23:4 - Hdi

⁴ Ka Pilat mantsa: « Ksaf a iʼi ta skwi prək ka tsanaghata ɗa ta guma ta na mndu na wu, » kaʼa nda tsa la mali ta ghəŋa gwal dra skwi ŋa Lazglafta, nda ya nda tsa dəmga ya.

Lukwa 23:4 Referans Kwoze

Yuhwana 18:38

« Nahgani kahwathwata na? » ka Pilat nda tsi. Tahula tsa, ka səglap tsi dzibil slanaghatá la Yahuda. Kaʼa mantsa: « Slanagha a yu ta skwi prək ŋa dzatá tsəna mndu na wa.

1 Piyer 2:22

Tsatsi ná, walaŋ a ta gatá dmaku wu, haɗ sana tsakalawi ta sabi ma wa ni wa.

1 Piyer 1:19

ama nda usa Kristi ta bluta varata lu ta kaghuni. Manda zwaŋa tuwak kul haɗ maslivinza, kul haɗ rɗak tida ya, na tsa Kristi ya.

Lukwa 23:22

Ka Pilat nda həŋ ka mahkən mantsa: « Nu va na ghwaɗaka skwi na maga tsi na? Ya wana slanagha a iʼi ta dmaku maga tsi prək ka dzata wa. Ala, wana yu dzaʼa slvapta nda krupi, ŋa zliŋta ɗa, » kaʼa.

Markus 15:14

Ka Pilat nda həŋ guli mantsa: « Kabgawu, nahgani va ghwaɗaka skwi maga tsi? Ka hləglaftá həŋ ta wi nda mbraku, Zləŋaf zləŋa ta udzu! » ka həŋ nda tsi.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

Mata 27:19

Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

Slna gwal ghunay 3:13

Tsaya a wa. Lazglafta i Abraham, nda Izak, nda Yakubu, nda dzidzíha mu ta maraŋta glakwa vuʼa ni *Yesu *Kristi, ya klaf kaghuni ka ghəŋa ghuni ka mblanaftá gwal dagala dagala yeya ma mnay Pilat kazlay: Zliŋwa na mndu na kəʼa ya.

Slna gwal ghunay 25:25

Ama iʼi, ngha a yu ta skwi prək ka dzata wa. Ka si klawa kla ta guma ɗa ta kəma Sezar kaʼa ya, tsaya dzaʼa kəl yu ka ghunay.