Lukwa 22:18 - Hdi

¹⁸ Mantsa nzakwa ni, ka yu ta mnaghunata ná, kwanaha say ɗa nana ta ima yakwa inabi ɗekɗek, ha ka sagha fitika ga mghama Lazglafta. »

Lukwa 22:18 Referans Kwoze

Mata 26:29

Ka yu ta mnaghunata ná, haɗ yu dzaʼa səglaŋtá na ima inabi na wu, ha ka sagha fitik ya dzaʼa kəl yu ka səgəltá lfiɗa ni kawadaga nda kaghuni ma ga mghama Da ɗa, » kaʼa.

Lukwa 22:16

Mantsa nzakwa ni, ka yu ta mnaghunata ná, haɗ yu dzaʼa zəglaŋtá na skwa zay na ɗekɗek ha ka sagha fitika dzatá ghəŋa ni ma ga mghama Lazglafta wu, » kaʼa.

Markus 14:25

Kahwathwata ta mnaghunata yu, haɗ yu dzaʼa səglaŋtá ima yakwa fwa inabi ha ka lab ta fitik dzaʼa kəl yu ka sa lfiɗa ni ma ga mghama Lazglafta wa, » kaʼa nda həŋ.

Kwalus 1:13

Tsatsi ta hlaptá amu ma dzva mbrakwa grusl, ka hladamamta da ga mghama zwaŋa ni ya ɗvu tsi.

Lukwa 21:31

Mantsa ya, ka nda ngha kuni ta magakwa tsa skwiha ya, ka snaŋta kuni ndusak ndusa fitika ga mghama Lazglafta kəʼa.

Lukwa 9:27

Kahwathwata ka yu ta mnaghunata: Mamu sanlaha ma mnduha mataba gwal hadna dzaʼa kwal kul rwuta ta saha ga mghama Lazglafta, dzaʼa nda ngha həŋ nda ira taŋ, » kaʼa.

Markus 15:23

Ɓhadaghata taŋ da hada, ka kum həŋ ta sunustá ima inabi laɓanaf lu nda sana skwi ta hgu lu ka mur, ŋa htanaghutá kuzlakwa tsa ghuya ɗaŋwa ya, ama ka kwalaghutá Yesu ta say.

Markus 14:23

Tahula tsa, ka klaftá tsi ta leghwa ka rfanaghatá tsi ta Lazglafta, ka vlaŋtá tsi ta həŋ. Ka zlghaftá həŋ ka ŋaŋaʼata demdem.

Markus 9:1

Kaʼa nda həŋ guli mantsa: « Kahwathwata ka yu ta mnaghunata, mamu sanlaha ma mnduha mataba gwal hadna, dzaʼa kwal kul rwuta ta saha ga mghama Lazglafta nda mbraku, ŋa nghaŋta taŋ nda ira taŋ, » kaʼa.

Mata 16:18

Ka iʼi ta mnaghatá kagha na: Piyer ka. Ta tsa pala ya dzaʼa bafta yu ta Igliza ɗa. Haɗ sana skwi dzaʼa laviŋtá mbrakwa mtaku ta maganavata wa.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Gwal tsa guma 9:13

Ama ka inabi nda həŋ mantsa: “Waká yu dzaʼa zlanavatá ima ɗa ta vla rfu ŋa Lazglafta, nda mnduha, ka laghwa ɗa da ghamanaku nda ga mgham ta ghəŋa fuha na?” kaʼa.