Lukwa 21:36 - Hdi

³⁶ Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Lukwa 21:36 Referans Kwoze

1 Yuhwana 2:28

Mantsa tama zwana ɗa, gɗavawagɗa kawadaga nda Yesu Kristi, ŋa kwala zləŋ ksa amu baɗu vragata dzaʼa vragata tsi, ŋa kwala hula ksa amu guli ta kəma ni.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

Mata 25:13

Ka *Yesu sganaghata mantsa: « Nzawa nza hzleŋa, kabga sna a kuni ta tsa fitik ya, ka ta wati luwa tsi wu, » kaʼa.

Mata 24:42

Ka si mantsa tsi, nzawa nza hzleŋa, kabga sna a kuni ta tsa fitik dzaʼa kəl mghama ghuni ka sagha ya wa.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

Lukwa 18:1

Ka mnə *Yesu ta mahdihdi ŋa taŋ, ŋa gɗavata taŋ nda maga duʼa, yaha malandugwa taŋ da rwaku, da zlanatá həŋ.

Markus 13:33

Ɗaswa ka kuni! ka nzata kuni hzleŋa nda fatá ghəŋa ghuni, sna a kuni ka yawu dzaʼa sagha tsa fitik ya wa.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.

Mata 26:41

Nzawa nza ndiri ka ndəɓa kuni ta dzvu, kada ŋaŋta kuni ta skwi dzaʼa dzəghaghunata. Ta kumay kuni ta maga skwi ɗina mndani, ama haɗ mbrakwa sluʼuvgha ghuni wu, » kaʼa.

1Tes 5:17

Ma zlanap kuni ta maga duʼa.

Markus 13:37

Manda va na ta mnə yu ŋa ghuni na ná, mantsa ya ta mna yu ŋa inda mnduha kazlay: Hzleŋa ka kuni fata ghəŋ, » kaʼa.

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

Kwalus 4:2

Gɗawa gɗa ta maga duʼa, mantsa ya dzaʼa kəl kuni ka nzata hzleŋa nda rfanaghatá Lazglafta.

Slna gwal ghunay 10:2

Ŋərma mndu tsa mndu ya nda gwal ga taŋ tani. Ta zləŋay ta Lazglafta, dagala mnduha la *Yahuda mbaha tsi. Ta magay ta duʼa da Lazglafta inda fitik.

Lukwa 20:35

ama zgwana nda miʼaha gwal nghadap Lazglafta kazlay: Nda ra həŋ ka vragapta ma mtaku nda hafu, ŋa nzaku nda hafu ma mbəɗakwa luwa dazlay kəʼa ya, haɗ həŋ dzaʼa kluvustá vgha wa.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Mata 24:43

Wya skwi ɗina ŋa snaŋta ghuni: Ka má nda sna daŋahəga ni həga ta fitik má dzaʼa lam ghali da həga ni ná, má dzaʼa nza nza hzleŋa, má zlanata a ta ghali ka lama ni da həga ni wa.

Mata 24:44

Tsaya tama ná, nzawa nza kaghuni guli nda payatá vgha, kabga ma tsa fitik kul faftá kuni ta ghəŋ ya, dzaʼa sagha Zwaŋa mndu.

Lukwa 1:19

Ka tsa duhwala Lazglafta ya zlghanaftá wi mantsa: « Iʼi Gabriyel ya, ta sladu ta kəma Lazglafta ŋa maganatá slna. Tsatsi ta ghunigihata ŋa gwaɗgaghata, ka mnaghatá tsa Lfiɗa Gwaɗa ya.

Lukwa 21:35

Manda vza kadəŋ ya dzaʼa sagha tsi ta ghəŋa inda mnduha ta ghəŋa haɗik tender.

2Kwa 4:14

Nda sna aŋni kazlay: Sliʼaganapsliʼa Lazglafta ta Mgham Yesu ma mtaku kəʼa. Tsatsi guli dzaʼa sliʼagaŋnapta ma mtaku, kabga nda ndiʼa vgha ŋni nda Yesu. Ŋa hladamaghatani demdem ta kəma ni.

Suna Yuhwana 6:17

kabga sagha sa fitika ɓasata ŋuɗufa taŋ. Wati ma mndu ya dzaʼa ŋafta na? » ka həŋ.

Suna Yuhwana 7:9

Tahula tsa, ka nghaŋtá yu guli ta ŋəɗdəma ŋəɗdəma ta mnduha kul laviŋta lu ta mbəɗafta. Tsa mnduha ya ná, sab ma inda haɗikha, nda ya ma inda mndəra mndu, nda ya ma inda zivira mnduha, nda ya ma inda gwaɗa ta gwaɗ mndu saba həŋ. Ta sladu həŋ ta kəma dughuruk nda ya ta kəma Zwaŋa Tuwak nda suɗatá lguta ŋusliŋ nda ŋatá zlizlam ma dzvu, həŋ.

Suna Yuhwana 8:2

Ka nghə yu ta duhwalha Lazglafta ndəfáŋ ta sladu ta kəma ni. Ka vlaŋta lu ta duliha ndəfáŋ guli ta həŋ.

Suna Yuhwana 11:4

Tsa masləmtsəkha ta sladu ta kəma Mgham Lazglafta ta ga mgham ta ghəŋa haɗik ya ná, fwa zaytuŋha his nda pitirlaha dasu his ya.