Lukwa 20:10 - Hdi

¹⁰ Magatá fitika ɗaga yakwa fwa inabi, ka ghunaftá tsa mndu ya ta kwalva ni slanaghatá tsa gwal ta hva vwaha tsa inabi ya, ŋa hlanaftá mayaka ŋa ni ma yakwa fu. Ka mbəɗanatá tsa gwal ta hva tsa vwah ya ta tsa kwalva ya nda dzə kul klanafta.

Lukwa 20:10 Referans Kwoze

Nəhemiya 9:26

Ama ka kawalaghutá həŋ ta snata ka gavaghatá sidi, ka wuɗiŋtá həŋ ta zlaha gha nda ga mahulhul. Ka pslatá həŋ ta anabiha ta mna gwaɗa ta kala wa taŋ ŋa varanaktá həŋ da kagha. Ka rarazaghatá həŋ katakata.

La Ruma 7:4

Manda va tsaya nzakwa ni nda kaghuni guli zwana ma. Ma mtuta *Kristi ta udza zləŋay ná, mtu mta kaghuni guli kawadaga nda tsi, nda dga vgha ghuni nda zlahu. Nda nza kuni ka ŋa sana mndu, ka ŋa tsa mndu ta sliʼagapta ma mtaku ya, ŋa magay mu ta skwi ɗina ŋa Lazglafta.

Yuhwana 15:16

Kaghuni a ta zbaptá iʼi wu, iʼi ta zabaptá kaghuni, ka faghunaghatá slna ŋa magay, ŋa yafta ghuni, ŋa gɗavata tsa yakwa ghuni ya. Mantsa tama, dzaʼa vlaghuna vla Da ɗa ta inda skwi dzaʼa kuni ɗawaŋta nda hga ɗa.

Lukwa 13:34

« Luwa Ursalima! Luwa Ursalima! Kagha ta rwanatá anabiha. Ghunəgaghagha Lazglafta ta mnduha ná, rwana ka, ka pslatá həŋ nda pala. Kumaŋ kuma yu ta tskanatá mnduha gha ta vata iʼi, manda mana ghatalakw ta tskanatá nduɗukhani ma zlambaka ni, ka kwalaghutá kuni.

Nəhemiya 9:30

Nda kɗa vakwa gha ta ksa ŋuɗuf nda həŋ. Ka vlaŋtá ka ta Sulkuma gha ta anabiha ŋa dvanaghatá həŋ, ama fagha həŋ ta sləməŋ wa. Mantsa tama, ka vlatá ka ta həŋ ma dzva mndəra sana mnduha.

2Rus 16:10

Ka ɓasanavatá Asa ta ŋuɗuf ta tsa slayaŋ ya, ka tsamtá tsi ma gamak, kabga gufatá ŋuɗufa ni ta ghəŋa ni, dabga tsa gwaɗa ya. Ma tsa fitik ya, ka ghuyanaptá Asa ta ɗaŋwa ta sanlaha ma mnduha.

2Mgh 17:13

Si tɗanaŋ tɗa Yawe ta sləməŋ ta la Israʼila nda la Yuda nda ma wa inda anabiha ni, nda inda la slayaŋ. Kaʼa nda həŋ na: « Mbəɗanawa mbəɗa ta hul ta ghwaɗaka tva ghuni, ka ŋanata kuni ta zlahuha ɗa, nda tva skwiha ŋa magay mna yu, taɓta inda zlahu ya vlaŋ yu ta dzidzíha ghuni, ka tsghaghunaftá yu nda da kwalvaha ɗa la anabi ya, » kaʼa.

1Mgh 22:24

Ka gavadaghatá Tsidkiya, zwaŋa Kənaghana, ka dzuŋtá Mihayhu ma lagəŋ, kaʼa mantsa: « Ndiga saba sulkuma Yawe ma iʼi ŋa gwaɗgaghata na? » kaʼa.

Lukwa 20:9

Tahula tsa, ka zlraftá *Yesu ta mna mahdihdi ŋa mnduha, kaʼa mantsa: « Lagha sana mndu ka ŋaɓatá fuha inabi ma vwaha ni. Ka sliʼaftá tsi ka laghu dista luwa ŋa nzəɗavata.

Lukwa 20:11

Ka ghunəglaftá tsi ta sana kwalva ni, ka rəhaptá həŋ ta tsaya guli, ka rarazata, ka vriŋta kul klanafta.

1Rus 19:4

Mantsa tama, ka hlaftá Hanuŋ ta tsa kwalvaha Dawuda ya, ka hatsanatá ghumayha taŋ, ka ghwaghwanaghutá lgutha taŋ ha ta wa mndər ta wa mndər ka vriŋtá həŋ