Lukwa 12:46 - Hdi

⁴⁶ dzaʼa sagha sa mghama tsa kwalva ya dluk ma vaghu kul graftá tsatsi ta fitik ya kul snaŋtá tsi, ŋa ghuyaghunaptani ta ɗaŋwa katakata, ŋa tsanaghatani ta guma kawadaga nda gwal ta maga ghwaɗaka skwiha.

Lukwa 12:46 Referans Kwoze

Lukwa 12:40

Kaghuni guli, habafwa vgha, kabga ma fitik kul ndanaŋtá kuni dzaʼa sagha *Zwaŋa mndu, » kaʼa.

Suna Yuhwana 16:15

« Wya yu ta lagha manda ghali. Rfu da mndu ya ta nzata hzleŋa, ta ngha lguta ni da mbaɗ tsi ta mbaɗa ka fərdiʼu, da ksutá tsi ka hula da mnduha, » ka Mgham.

Mata 24:51

Dzaʼa ɗgapɗga daŋahəga ni həga ni, ŋa tsanaghatani ta guma kawadaga nda la ghwaɗak, ŋa taway tsa kwalva ya ta taw, ka hpaɗa sliʼiŋa ni hada, » kaʼa.

Mata 24:50

Nda sagha daŋahəga ni həga ni slanaghata dluk ma fitik kul faftá tsi ta ghəŋ, nda ya ka ta wati luwa tsi, sna a wa.

Lukwa 12:45

Ala ka ka tsa kwalva ya ma ghəŋa ni mantsa: “Wana nda gərɗa mghama ɗa katək na,” kaʼa ka liŋtá psla sanlaha ma kwalva nda kwalva miʼaha, ka laghu da zazaku nda sasaku ka ghuyaku katsi,

Lukwa 12:47

« Tsa kwalva nda sna ta skwi ta kum mghama ni ka kwalaghutá tsi ta payavata ka magay ya, dzaʼa ɗgapɗga lu kwərɗək.