Izra 8:21 - Hdi

²¹ Ta wa tsa ghwa Ahava ya, magama maga ta suma ŋa maraŋta hanata ghəŋa mu da Lazglafta mu, ŋa vlamata ni ta zɗakwa vgha ma mbaɗa mu, amu nda zwana mu nda ya nda huzlaha mu tani, ka yu.

Izra 8:21 Referans Kwoze

2Rus 20:3

Ka ksutá zləŋ ta Yəhusafat, ka zbə tsi ta ɗawaŋtá ndana Yawe. « Sumawa suma ta suma, » kaʼa nda inda kwakwara la Yuda.

1Sam 7:6

Ka tskavatá həŋ ma Mitspa. Ka zakaktá həŋ ta imi, ka paghata ta haɗik ta kəma Yawe, ka magatá suma baɗ tsa fitik ya, ka həŋ mantsa: « Gana ga ŋni ta dmaku ta Yawe! » ka həŋ. Ka tsanaghatá Samuyel ta guma ta la Israʼila ma Mitspa.

Yunusa 3:5

Ka zlghaftá mnduha ma Ninive ta tsa gwaɗa Lazglafta ya. Ka mnatá həŋ ta maga sumay, nda pghavatá buhu, zlrafta ta gwal dagala dagala ha ka laha ta gwal nda hta.

La Levi 16:29

Wya tva skwi ŋa magay ghuni ŋa ɗekɗeka ghuni: Baɗ maghwaŋ ma tila mandəfáŋ, ka hanaganata kuni ta ghəŋa ghuni, magta a kuni ta dər wati ma slna wu, dər zwaŋa haɗik, dər mayəm ta nzakw mataba ghuni a tsi,

La Levi 23:29

Dər wati ma mndu dzaʼa kwalaghutá hanaganatá ghəŋ baɗ tsaya, dzaʼa kliŋ kla lu mataba mnduha ni.

Slna gwal ghunay 2:39

Tsa tata imi ta sləməŋ taghunaf Lazglafta ya ná, ŋa kaghuni nda zwana ghuni, nda gwal diʼiŋ diʼiŋ, nda ndəghata mbsaka gwal dzaʼa hagakta Mgham Lazglafta tani ya, » kaʼa.

Izra 8:15

Ka tskanatá yu ta tsa mnduha ya ta wa zala ta dzaʼa təv Ahava. Ka fatá ŋni ta ghuɓu, ka zatá ŋni ta fitik hkən hada. Ka fata yu ta iri ka vitsa hamata mnduha nda gwal ta dra skwi ŋa Lazglafta tani, sew ngha a yu dər turtuk ta la Levi wa.

Gwal tsa guma 20:26

Ka ŋlaghatá gwal vula la Israʼila demdem da Betel. Ka nzatá həŋ hada ka taw da Yawe. Ka sumu həŋ ta suma baɗ tsa fitik ya ha ga hawu. Ka vlatá həŋ ta skwa pla ghəŋ ŋa dray tsuh tsuh, nda pla ghəŋa zɗaku ta kəma Yawe.

La Levi 16:31

Dzaʼa nzakway ka Sabat da kaghuni, ka fitika mbiʼa vgha dar dar, ka hanaganata kuni ta ghəŋ. Tsaya tva skwi ŋa magay ŋa ɗekɗek.

Izra 8:31

Ka sliʼaftá ŋni ta wa ghwa Ahava baɗ maghwaŋpəɗ his ma tila mataŋtaŋ, ŋa dzaʼa da Ursalima. Ma inda mbaɗa mbaɗ ŋni, faŋnagha fa Lazglafta ta dzva ni ka katá aŋni da ghumaha nda gəndaha má dzaʼa zluʼatá aŋni.

Mbsak 14:31

Ama zwana ghuni ta mnə kuni kazlay na dzaʼa kasu kasa lu ta həŋ kəʼa ya, dzaʼa hladam hla yu ta həŋ, dzaʼa nda sna hahəŋ ta tsa haɗik mbiɗa kaghuni ya.

Mbsak 14:3

Kabgawu ta kəl Yawe ka kla aŋni da tsa haɗik dzaʼa rwaŋnata lu nda kafay ya na? Dzaʼa kasu kasa lu ta miʼa ŋni nda zwana ŋni. Ta dər má vra ŋni da Masar a wu ra? » ka həŋ.

Yunusa 3:7

Ka mnatá mghama mgham ta zlahu ma Ninive: « Ka i mgham nda mnduha ni ka mali ka mali mantsa: Nda mnduha tani, nda skwi nda səla tani, nda slaha tani, nda rina fisik tani, haɗ ɗaŋtá skwa zay wu, haɗ zaŋta ta ta skwi wu, haɗ say taŋ ta imi guli wa.

2Rus 20:4

Ka tskavatá la Yuda ŋa zba katu da Yawe. Ma inda luwaha la Yuda sliʼadaghata lu ŋa zba katu da Yawe.

Nəhemiya 9:1

Baɗ hisambsak fwaɗ mida ma va tsa tila mandəfáŋ ya, ka tskavatá la Israʼila ŋa suma. Ka pghavatá həŋ ta buhu ta vgha, ka buhwamtá həŋ ta rgitik ma ghəŋ.

Asta 4:16

« La ka tskanata ka ta inda la Yahuda ma Susaŋ, ka maga kuni ta sumay ta ghəŋa iʼi. Yaha kuni da za skwi, dər sa skwi ma fitik hkən, nda fitik tani, nda rviɗik tani. Dzaʼa sumay iʼi guli manda va tsaya, nda kwalvaha ɗa tani. Tahula tsaya ŋa sliʼafta ɗa ka lam da mgham, dər má mna a zlahu. Ka ŋa mtakwa ɗa tsi, dzaʼa mtay yu, » kaʼa.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.