Izra 5:12 - Hdi

¹² Ama ka dmanaftá dzidzíha ŋni ta Lazglafta ta luwa, kəl Lazglafta ka vlatá həŋ ŋa Nevuhadnetsar mghama Babila mnda la Kaldiya, ka sagha tsi tasiŋtá na həga na, ka hlaghatá mnduha da Babila.

Izra 5:12 Referans Kwoze

Danyel 9:5

Gaga ŋni ta dmaku, kwalaghu kwala ŋni ta snatá gwaɗa, ŋa ŋni dmaku, gavagha ga ŋni ta sidi, mbəɗana mbəɗa ŋni ta hul ta zlahuha gha, nda skwiha ya mnaŋna ka ŋa magay.

2Mgh 24:2

Ka ghwanadaghatá Yawe ta bakuha zləɗa la Kaldiya, nda ŋa la Aram, nda ŋa la Muwav, nda ŋa la Ghamuŋ dika Yəhuyakim ŋa zaɗanata haɗika la Yuda, taɓta gwaɗa ya mna Yawe nda ma wa kwalvaha ni la anabi.

2Mgh 25:1

Ta matəmbaya vakwa Tsidkiya ta gá mgham, baɗ maghwaŋa fitik ma maghwaŋa tili, ka lagha Nevuhadnetsar, mghama Babila kawadaga nda inda gwal vula ni da dɗanaghatá Ursalima. Ka fatá tsi ta ghuɓa ni nda ta kəma ni, ka sŋanavata tsi ta haɗik ka wanaftá luwa.

Gwal tsa guma 6:1

Ka magatá la Israʼila ta ghwaɗaka skwi ta wa ira Yawe. Ka vlatá Yawe ta həŋ ma dzva la Midyaŋ ka vaku ndəfáŋ.

Gwal tsa guma 4:2

Ka vlata Yawe ta həŋ ma dzva Yaviŋ, mghama Kanʼana ta ga mgham ma Hatsur. Hga mala gwal vula ni ná, tsaya Sisəra, ta nzakw ma Harusetʼguyim.

Gwal tsa guma 2:14

Ka gufaftá ŋuɗufa Yawe ta ghəŋa la Israʼila. Ka vlatá tsi ta həŋ ma dzva gwal zləɗu, ka zləɗatá həŋ ta həŋ. Ka dzawaptá tsi ta həŋ ŋa ghumaha taŋ ta wanaftá həŋ, lavgliŋ a həŋ ta sladata ta kəma tsa ghumaha taŋ ya wa.

Vrafta ta zlahu 32:30

Waká mndu turtuk dzaʼa ghəzlaftá gwal dəmbuʼ na? Waká mnduha his dzaʼa ŋawaftá gwal dəmbuʼ ghwaŋ na? Ka nza a tsi ka skwapta kutumba taŋ ta həŋ, ka nza a tsi ka vlata Yawe ta həŋ ma dzva taŋ.

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

2Rus 36:20

Ka hlaghatá tsi da Babila ta gwal ta ndapta da kafay, ka pghatá tsi ta həŋ ka kwalvaha ni, nda zwana ni, ha ka sagha fitika fata la Persiya ta gá mgham taŋ.