Hebru 7:11 - Hdi

¹¹ Ŋa mndəra la Levi ta nzakway ka gwal ta ksa slna Lazglafta, vlaŋta Lazglafta ta zlahu ta la Israʼila. Ama tsa slna taŋ ya ná, slaghwa a ŋa dzanaghatá ghəŋa skwi ya kumaŋ Lazglafta, ta vlaŋtá tsi ta zlahu ta həŋ wa. Ka má si slaghu sla tsi katsi ná, má zbəgla a lu ta sana mali ta ghəŋa gwal ksa slna Lazglafta, manda Melkisedek ya wu, má gi klaʼatá mndu mataba mndəra la Levi manda Haruna má dzaʼa nzakwa tsi.

Hebru 7:11 Referans Kwoze

Hebru 8:7

Ka si ma haɗ rutsak ta tsa taŋtaŋa dzratá wi ya wu katsi, ma zbəgla a lu ta mahisa ni wa.

Galat 2:21

Va a yu ta vziŋtá zɗakatahuɗa Lazglafta wa. Ala ka laviŋ lava lu ta nzakway ka mndu tɗukwa tawa ira Lazglafta nda ma maga skwi ta kum zlaha Musa ya katsi, haɗ ghəzliwa mtuta mtu Kristi nda tsa tama wa.

Hebru 7:21

Yesu ná, nda waɗu fata Lazglafta ka mnda ksa slna ni, ma fitika mnata ni kazlay: Iʼi Lazglafta na: « Waɗa waɗa yu, haɗ yu dzaʼa vrəglafta tida wu: “Nda nza ka ka mnda ksa slna ŋa kɗekedzeŋ,” » kəʼa.

Hebru 7:15

Skwi ta kɗəgliŋtá tsaliŋta ná, zlagap zlaga sana mnda ksa slna Lazglafta. Manda va Melkisedek tsatsi guli.

Hebru 5:6

Kaʼa ta mnay ma sana vli guli na: « Kagha mali ŋa kɗekedzeŋ ta ghəŋa gwal ta ksa slna Lazglafta, manda ŋa Melkisedek ya, » kaʼa.

Galat 4:9

Ndanana tama, manda snaŋta ghuni ta Lazglafta, ta snaŋtá Lazglafta ta kaghuni ná, waká kuni ta vrəglaghuta mista sana skwiha kul haɗ mbrakwa taŋ, kul haɗ rəga taŋ, kul haɗ ghəzliwa ta na?

Hebru 6:20

Da hada tiŋlaghuta *Yesu ta lami ka amu, ŋa nzaku ŋa kɗekedzeŋ ka mali ta ghəŋa gwal dra skwi ŋa Lazglafta manda ŋa Melkisedek ya.

Hebru 5:10

Ka fatá Lazglafta ka mali ta ghəŋa gwal ta dra skwi ŋa Lazglafta manda ŋa Melkisedek.

Galat 4:3

Manda va tsaya nzakwa ni da amu guli. Ma fitika nzakwa amu ka zwani ta kul sagha gwaɗa ta *Kristi ná, ta ga vuʼa skwiha ta ga mgham ma na ghəŋa haɗik na amu.

Hebru 7:10

Aŋ mndani, ta ya a Abraham ta Levi, ta lagha Melkisedek da guyaku nda Abraham wu, ama mamu tsatsi ma vgha dzidza ni.

Hebru 7:12

Ka si mbəɗapmbəɗa Lazglafta ta mndərga mali ta ghəŋa gwal ta ksa slna ni mantsa katsi ná, nda nza tkweʼ ka mbəɗaptá zlahu guli.

Hebru 7:13

Tsəna mghama mu ta gwaɗ lu ta na gwaɗa na ta ghəŋa ni na ná, *Yesu ya. Mataba mndəra sana mndu ta kul walaŋta ksa slna Lazglafta ta gwir tsatsi.

Hebru 9:6

Mantsa ya gwagwatá nzakwa tsa həga ŋa gɗata gwal ta dra skwi ŋa Lazglafta ta lami da maga slna taŋ ma taŋtaŋa huɗa ni ya.