Hebru 12:28 - Hdi

²⁸ Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Hebru 12:28 Referans Kwoze

Hebru 13:15

Gɗamagɗa ta zləzlva Lazglafta ka nzakwa tsi manda skwa pla ghəŋ nda ma Yesu Kristi. Zləzlvama hga ni nda gwaɗa ma wa mu.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Hebru 4:16

Ka si mantsa tsi tama, gavanamavagava nda fatá ghəŋ ta Lazglafta, tsatsi ta vla zɗakatahuɗi, ŋa tawata ni ta hiɗahiɗa ta amu, ŋa vlamata ni ta zɗakatahuɗa ni ŋa katamata ma fitik ya nda ra.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

Danyel 7:27

ŋa nzakwa ga mgham, nda mbraku, nda glakwa inda ga mghamha ta ghəŋa haɗik, ka ŋa mnduha nda ghuɓa ka ŋa Lazglafta Dagala. Dzaʼa gɗava gɗa ga mghama tsa mndəra mndu ya ŋa ɗekɗek. Dzaʼa snay inda ga mgham ta gwaɗa da tsi, ka maganatá slna.”

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

1 Piyer 1:17

Ka ta hgay kuni ma duʼa ghuni ka « Da » ta Lazglafta, ya ta tsa guma ta ghəŋa inda mndu taɓta slna ni maga tsi kul gala mndu nda gala ya, nzawa nza nda zləŋay ma na nzakwa ghuni tata na ghəŋa haɗik na.

La Ruma 11:20

Aŋ mndani, manda tsaya nzakwa ni. Ta ghəŋa kwala taŋ kul zlghafta nda ŋuɗuf, ɗatsiŋta lu ta hahəŋ, ama kagha, ma zlghay nda ŋuɗuf gha nzafta kagha nda ndiʼatá vgha tida. Ma laghu ka da ghərɓaku, zləŋa ta Lazglafta.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

1 Piyer 2:20

Ka lagha ghuni ka gatá gwaɗa, ka ghuy lu ta ɗaŋwa ŋa ghuni ta ghəŋa ni, ka suʼaftá kuni katsi, mamu mndu dzaʼa ghuba kaghuni ra? Ama ka lagha ghuni ka magatá skwi ɗina, ka ghuy lu ta ɗaŋwa ŋa ghuni ta ghəŋa ni, ka suʼaftá kuni katsi, skwi ɗina tsaya da Lazglafta.

La Levi 10:3

Ka Musa nda Haruna mantsa: « Nana na skwi si mna Yawe kazlay na: “Dzaʼa maraŋ mara yu ta nzakwa ɗa nda ghuɓa, ŋa gwal ndusa nda iʼi. Dzaʼa zlagigiŋ zlaga yu ta glakwa ɗa, ta kəma inda mnduha,” » kaʼa. Ka nzatá Haruna tsəriɗ.

Suna Yuhwana 5:10

Nanaf na ka ta həŋ ka mnduha Lazglafta, kagha ta nzakway ka Mgham. Nanaf na ka ta həŋ ka gwal ksanatá slna ta Lazglafta, ŋa gay taŋ ta mgham ta ghəŋa mnduha ma ghəŋa haɗik. »

Hebru 10:19

Mantsa tama zwana ma ɗa, nda pla vgha mu ta lami da tsa vli nda ghuɓa katakata ya nda ma usa *Yesu.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Hebru 5:7

Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.

Afisus 5:10

Ŋavawa ŋa ka tsəmaptá skwi ta zɗəganatá Mgham, ka maga kuni.

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Lukwa 1:33

Dzaʼa gay ta mgham ta ghəŋa la Israʼila ŋa kɗekedzeŋ, kɗavakta a tsa ga mghama ni ya wu, » kaʼa.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!