Hebru 11:25 - Hdi

²⁵ Ta draŋ ghuyay ɗa ta ɗaŋwa kawadaga nda mnduha Lazglafta, ka rfay ɗa ta rfu ma gay ɗa ta dmaku ŋa fitik kwitikw.

Hebru 11:25 Referans Kwoze

2Kwa 5:17

Tsaya tama, ka si nda ndiʼa vgha mndu nda Kristi katsi, nda nza ka lfiɗa mndu. Lula tva nzaku ya si ta nzaku tsi ghalya, mbəɗavaf mbəɗa ka lfiɗa ni.

Suna Yuhwana 18:7

Taɓ ta tsa glakwa ni nda zatá mghama ni ya ka kuni dzaʼa ganaptá iri ka niŋta ka skwa hiɗahiɗa. Kaʼa ta ndanay ma ghəŋa ni na: “Nda nza nzakwa ɗa ka mgham, nza a yu ka wadgu wu, walaŋta a yu ta nzata ka skwa hiɗahiɗa wu,” kaʼa.

1 Piyer 2:10

Ghalya ná, si nza a kuni ka mnduha Lazglafta wu, ama ndanana, nda nza kuni ka ŋa ni. Ghalya mutsaf a kuni ta tawa hiɗahiɗa Lazglafta wu, ama ndanana, mutsaf mutsa kuni.

Yakubu 5:5

Zu za kuni ta mghama ghuni ma ghəŋa haɗik, maga maga kuni ta skwiha ya kumaŋ maya ghuni. Nuʼaf nuʼa kuni ta vgha ghuni, ka kəzla fitika hnay.

Yakubu 1:20

kabga haɗ mndu ta ɓasa ŋuɗuf ta maga skwi ya ɗina ta zɗəganatá Lazglafta wa.

Hebru 11:37

Nda pala zlazlərtsata lu ta sanlaha ka pslatá həŋ, ɗatsanap nda ɗatsa lu ta sanlaha, tsasla nda kafay lu ta sanlaha, ka pslatá həŋ. Hwayapta ka ra vli ŋa sanlaha, ka nutá həŋ ka pɗu ka kla huta ta tuwak nda ŋa gu ta vgha. Ka ghuyanaptá lu ta ɗaŋwa, ka ganaptá lu ta iri ta həŋ.

Hebru 10:32

Havakwahava ta nzakwa ghuni ghalya ma taŋtaŋa snaŋta ghuni ta gwaɗa Lazglafta. Ma tsa fitik ya ná, susa kuni ta duni, ka suʼuwaftá kuni ta inda ni.

Hebru 4:9

Tsaya tama ná, ta mamu tsa mbiʼa vgha ya ŋa mnduha Lazglafta manda va tsa fitika mbiʼa vgha baɗu mandəfáŋ ya.

2Tim 1:8

Yaha ka da hula mna gwaɗa ta Mghama mu. Yaha ka da hula mna gwaɗa ta iʼi tsam lu ma gamak ta gwaɗa ta tsatsi ya guli. Katək ná, zlghaf zlgha ta ghuya ɗaŋwa kawadaga nda iʼi ta ghəŋa *Lfiɗa Gwaɗa, nda fata ghəŋ ta mbraku ya ta vlə Lazglafta.

Kwalus 1:24

Ndanana, ta rfu yu nda ghuya ɗaŋwa ta ghuy yu ta ghəŋa kaghuni. Ghuya ɗaŋwa *Kristi ma sluʼuvgha ni ta nzakway ta ghəŋa *Igliz ya ta kɗaŋta yu ta ghuyay ma sluʼuvgha ɗa.

La Ruma 5:3

Ta ghəŋa tsaya guli ná, ta rfu mu nda ghuya ɗaŋwa ta ghuy mu, kabga nda sna amu kazlay: Ta taghay ghuya ɗaŋwa ta ksa ŋuɗuf kəʼa.

Lukwa 16:25

Ka Abraham nda tsi mantsa: “Sagəŋ! Havap hava ka za mghama gha si ta zə ka ma nzakwa gha nda iri ta ghəŋa haɗik, ta ghuy Lazar ta ɗaŋwa ni ya. Ndana tama nda lɓa ŋuɗufa tsatsi, ta ghuy kagha ta ɗaŋwa gha.

Mata 13:21

Tsaw tama, haɗ slrəŋ mista ni wu, nzəɗava a wa. Ka gi gruŋgra ghuya ɗaŋwa, ka giri a tsi kabga tsa gwaɗa ya, gi zləmbutani.

Danyel 3:18

Rvera ɗa, dər katá a tsi ta aŋni guli wu, skwi ŋa snaŋta gha ná, haɗ aŋni ta dzaʼa mista lazglaftaha gha, ka tsəlɓu ŋa tsa skwi dzugwa ka dzahumaʼ ka dasu ya wu, » ka həŋ.

Slna gwal ghunay 7:34

Nghadap ngha yu ta ghuya ɗaŋwa ŋa mnduha ɗa ta ghuy lu ma haɗika Masar. Sniɗigha sna ŋa ɗa ghəŋa taŋ, kəl yu ka saha da hlaptá həŋ mida. Ndanana na, sawi ka ghuna yu ta kagha da luwa Masar,” kaʼa nda tsi.