Hebru 11:17 - Hdi

¹⁷ Nda ma zlghay nda ŋuɗuf kumafta Abraham ta vlatá zwaŋa ni Izak ŋa pla ghəŋ ma dzəghaŋta ya dzəghaŋ Lazglafta. Ka kumaftá tsi ta vlatá tsa kɗakwa kɗakwa zwaŋa ni turtuktuk ya, dər má si tanafta Lazglafta ta imi ta sləməŋ ta ghəŋa tsa zwaŋ ya.

Hebru 11:17 Referans Kwoze

Zlrafta 22:16

kaʼa mantsa: « Waɗa waɗa vərɗa iʼi ka ghəŋa ɗa, ka Yawe mnata. Ta ghəŋa magata gha ta tsa skwi ya, kul sɗaɗifta nda zwaŋa gha kɗakwa ni turtuktuk ya,

Suna Yuhwana 3:10

Manda va ya ŋana kagha ta gwaɗa ɗa ka gɗavata mida ya, dzaʼa ŋa gha ŋa iʼi ta kagha guli ma ghuya ɗaŋwa dzaʼa dəɗanaghatá inda ghəŋa haɗik ŋa dzəghaŋtá həŋ ya.

Yakubu 5:11

Nda tfa wi ta ghəŋa ghuni ka aŋni ta mnay nda gwal ta ghuya ɗaŋwa nda ksa ŋuɗuf. Sniŋ sna kuni ta mna gwaɗa ta ksatá ŋuɗufa Ayuba, nda ngha kuni ta kɗavakta skwi ya vlaŋ Mgham Lazglafta. Lazglafta ná, dagala tawa hiɗahiɗa nda zɗaku da tsi.

1 Piyer 4:12

Zwana ma ɗa gwal ta ɗvu yu, yaha kuni da ndərmima ghuya ɗaŋwaha ya ta fwaghunata da nzaku tsi ka skwa madukwa da kaghuni.

Hebru 7:6

Melkisedek ná, tekw a tsatsi mataba mndəra la Levi wu, ama ka klaftá Abraham ta zaka ma skwi zagagha tsi, ka vlaŋta. Ta ghəŋa tsa guli ná, ka tfanaghatá Melkisedek ta wi ta mndu ya tanaf Lazglafta ta imi ta sləməŋ.

Danyel 11:35

Mataba tsa gwal nda ɗifil ma ghəŋa taŋ ya ná, nda ndəgha gwal dzaʼa rwuta. Dzaʼa nzakway tsa rwakwa taŋ ya ŋa ghuɓiŋtá mnduha, nda ya ŋa sluwapta, nda ya ŋa ɓanaftá həŋ ha ka sagha kɗavakta fitik, kabga kɗavakta ni ná, dzaʼa sagha sa ma fitik ya tsaf lu.

2Rus 32:31

Ama ma fitika ghunadaghata maliha ma Babila ta gwal ghunay, ŋa snanatá tsa mandərmimi ta maguta ma haɗika ni ya, ka zlanavatá Lazglafta ŋa dzəghay, ŋa snaŋtá inda skwi ma ŋuɗufa ni.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Hebru 11:13

Ma zlghay nda ŋuɗuf rwuta həŋ demdem, ta kul mutsaftá həŋ ta magatá tsa skwi tanaf Lazglafta ta imi ta sləməŋ ta həŋ ya. Ama graf gra həŋ kazlay: Dzaʼa magaku tsa skwi ya kəʼa, harharhar ghəŋa taŋ ta ghəŋa ni. Ka graftá həŋ kahwathwata kazlay: Mayəm ŋni ta wawutá wawaku ta na ghəŋa haɗik na kəʼa.