Galat 4:8 - Hdi

⁸ Ghalya ma fitika kwala ghuni kul snaŋtá Lazglafta, vuʼa skwa wuyay kul nzakway ka vərɗa Lazglafta si ta gə kuni.

Galat 4:8 Referans Kwoze

1Kwa 8:4

Ta ghəŋa skwi ta nghanatá za sluʼa skwa wuyay, wya tsi: nda sna amu skwi ka bətbət na skwa wuyay ma ghəŋa haɗik kəʼa. Turtuktuk Lazglafta guli.

2Tes 1:8

Ma takataka vu ta zlghaku dzaʼa saha həŋ ŋa ghuzlanaptá iri ta gwal kul snaŋtá Lazglafta, ta kwalaghutá snatá Lfiɗa Gwaɗa Mghama mu Yesu Kristi ya.

1Tes 4:5

ŋa ghudzaku tida manda ŋa gwal kul snaŋta Lazglafta ya a guli wa.

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

1 Piyer 4:3

Ma nzakwagapta ghuni manda ghalya ná, mburapmbura kuni ma maga skwi ta zɗəganatá gwal kul snaŋtá Lazglafta. Ma magay ghuni ta sliʼiŋsliʼiŋ, nda haraʼu ta iri, nda ghuyaku, nda zɗakwa skwi katakata, nda sasaku, nda manzakɗawaya skwa wuyayha.

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

2Rus 13:9

Ghazliŋ a kuni ta gwal dra skwi ŋa Yawe, i zivira Haruna nda la Levi, ka hlamtá kaghuni ka ghəŋa ghuni ta gwal dra skwi ŋa Lazglafta manda mnduha ma sana haɗikha wu ra? Inda mndu ta lagha nda lghəŋ dɓakwa nda ya nda maŋazakha ndəfáŋ ná, tsaya ta famta lu ka mnda dra skwi ŋa skwi kul haɗ ka Lazglafta.

Afisus 4:18

Nda dərzla sləməŋa taŋ, haɗ lfiɗa hafu ta vlə Lazglafta ya da həŋ wu, kabga təŋ təŋa ghəŋa taŋ, sna a həŋ ta Lazglafta wa.

1Kwa 12:2

Nda sna kuni kazlay: Ma fitika nzakwa ghuni ta kul snaŋta kuni ta gwaɗa Lazglafta ná, ta tsəlɓu ta kəma skwa wuyayha ta nzaku duduguma kuni ta tsəlɓu, hahəŋ ta tiŋwa kaghuni guli.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.

Yəhusuwa 24:2

Ka Yəhusuwa nda inda mnduha mantsa: « Wya ka Yawe, Lazglafta la Israʼila: “Ghalya ná, si ta a ɓla zala Yufratis a ta nzakwa dzidza ghuni, i Terah, da ni ma i Abraham nda Nahur. Sanlaha ma lazglaftaha si ta tsəlɓu həŋ ta tsəlɓu ŋa ni.

Sabi 5:2

Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

1 Yuhwana 3:1

Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

La Ruma 1:28

Manda va ya kwalaghu həŋ ta snanatá Lazglafta ya, ka zliŋtá Lazglafta guli ta həŋ mista tsa ghwaɗaka ndana taŋ ya. Ka mag həŋ ta skwi kul raku.

Slna gwal ghunay 17:23

Ma fitika ranafta ɗa ta vliha ma na luwa ghuni na ná, ka slaslanaghatá yu ta skwiha ta ndəɓu kuni ta dzvu ŋa taŋ. Ka slaftá yu ta gwir vindaf lu ta skwi tida kazlay: Ŋa Lazglafta kul snaŋta lu kəʼa. Mantsa nzakwa ni, tsa skwi ta ndəɓu kuni ta dzvu ŋa ni kul snaŋta kuni ya ná, tsaya sagha yu da mnaghunata.

Slna gwal ghunay 14:12

« Zeyus » nana, ka həŋ nda Barnabas. « Hesmes » nana, ka həŋ guli nda Pwal, kabga tsatsi ta gwaɗa.

Yuhwana 1:10

Tsaw tsa gwaɗa ya ná, nda ghada nzakwa ni ma ghəŋa haɗik, kabga nda tsatsi magafta lu ta ghəŋa haɗik. Nziya nza tsi tsatsaf a mnduha wa.

La Ruma 1:23

Má ŋa tsəlɓay taŋ ta tsəlɓu ka vla glaku ŋa Lazglafta ya ta nzaku nda hafu ŋa kɗekedzeŋ ya ná, ka laghu həŋ da tsəlɓu ŋa skwa wuyay tsaf lu manda mndu kul haɗ hafu mida. Sanlaha ma tsa skwa wuyay ya ná, manda tsatá zarak həŋ, manda nimtak fwaɗ səla mista taŋ tsatá sanlaha, manda tsatá nahaɗik sanlaha.

Galat 4:3

Manda va tsaya nzakwa ni da amu guli. Ma fitika nzakwa amu ka zwani ta kul sagha gwaɗa ta *Kristi ná, ta ga vuʼa skwiha ta ga mgham ma na ghəŋa haɗik na amu.