Filip 4:5 - Hdi

⁵ Nda zɗaku ka kuni nzata nda inda mnda səla, ndusa Mgham Yesu ka saha.

Filip 4:5 Referans Kwoze

Mata 6:25

« Tsaya ta kəl yu ka mnaghunata kazlay: Ma thə kuni ta heʼ, a nu dzaʼa mu zay? Nu dzaʼa mu say? A nu dzaʼa mu suɗay ta vgha na kəʼa? Malaghu mala a hafu ta skwa zay ra? Ari malaghu mala a wa a vgha ta lgut na?

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Hebru 10:37

Ka lu vindafta ma deftera Lazglafta na: « Ta ɓets nzɗa guli ná, dzaʼa sagha sa tsa mndu dzaʼa sagha ya, gərɗata a wa.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1Kwa 6:7

Nda nza tsa wluvusta ta wluvusta kuni ta vgha mataba ghuni ya ka ɓadzaku. Ka gagha ga mndu ta gwaɗa, ksay gha ta ŋuɗuf. Ka ghala ghala mndu ta kagha, zlanata gha.

Hebru 10:25

Ma tsanap mu ta tska vgha mu manda ya ta snuta sanlaha ta tsanapta ya. Katək ná, vluvusma mbraku sani nda sani. Sganaghamasga, kabga nda sna mu kazlay: Ndusa fitika vragata Mgham Yesu kəʼa.

Suna Yuhwana 22:7

Ka *Yesu mantsa: « Wya yu gi ta lagha, tfa wi ta ghəŋa gwal ta ŋanatá tsghatá lwa Lazglafta ma na defteri na! » kaʼa.

1Kwa 8:13

Tsaya tama, ka si skwa zay dzaʼa zləmbiŋta zwaŋama ɗa katsi ná, haɗ yu dzaʼa walglaŋta za sluʼi ɗekɗek wu, kada kwala yu zləmbiŋtá zwaŋama ɗa.

Mata 6:34

« Ma mnə kuni kazlay: Heʼ, waká yu da magay ga mahtsima ni na kəʼa. Prək ga mahtsima ni ka ndananatá ghəŋa ni, prək dər wati ma vaghu nda ɗaŋwa ni. »

Suna Yuhwana 22:20

Ka na mndu ta nghaŋtá na skwiha na ta mnay ná, « Aŋi, wya yu gi ta lagha. » Amin! Sagha sa gha Mgham Yesu!

1 Piyer 1:11

Ka mnə Sulkuma Kristi, ta nzakway ma ŋuɗufa taŋ ta gwaɗa ta ghuya ɗaŋwa ya dzaʼa ghuyta Kristi, ma kɗaku tsi mutsa glaku. Ka ŋavatá tsa anabiha ya ka psa snaŋta, ka yawu dzaʼa magakwa tsa skwi ya, nda ya ka kinawu kəʼa dzaʼa magaku ya.

1Kwa 9:25

Inda mndu ta tsa hwaya ya ná, ta zlahafzlaha ta vgha ni ma taghayni, ŋa zata ni. Tsa skwi dzaʼa zata tsi ya ná, dzaʼa ɓwadzu ɓwadza misimmisim. Ŋa amu ya, haɗ ta ɓadzaku ɗekɗek wa.

2Tes 2:2

Ka mamu mndu ta mnaghunata kazlay: Sagha sa fitika sagha Mgham *Yesu kəʼa, yaha kuni da zləŋ ka ghuya ghəŋa ghuni. Dər má la anabi tsi, dər má snaŋ nda sna a kuni ta gwaɗay, dər iʼi a ta vindaghunafta ká lu má mnaghunata.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

1Kwa 16:22

Inda mndu kul ɗva Mgham Yesu ná, ka nza tsi ka mndu nda ksiʼa. Maranata! (Mghama ŋni ta sagha!)

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.