Filip 3:8 - Hdi

⁸ Mantsa ya nzakwa ni, ka skwi bətbət inda tsa skwiha ya da iʼi, kabga nda sna yu ta Yesu Kristi Mghama ɗa. Malaghu mala tsatsi ta ghəŋa inda skwi, kəl yu ka pghiŋtá inda hamata skwi. Manda ŋəɗak ta ngha yu ta tsa skwiha ya, kada ndiʼafta yu ta vgha nda Yesu Kristi,

Filip 3:8 Referans Kwoze

La Ruma 8:18

Graf gra yu kazlay: Nana ghuya ɗaŋwa ta ghuy mu na ná, haɗ lu dzaʼa walaŋta gray nda tsa glaku dzaʼa maramaŋta Lazglafta ya wu kəʼa.

Slna gwal ghunay 20:24

Iʼi ná, ndana a yu ta gwaɗa ta hafa ɗa, dər má kinawu ɗinutani ka ŋa ɗa wa. Dzaʼa kɗanaktá tsa ŋərma slna vliha Mgham Yesu ŋa magay, ta nzakway ka mna *Lfiɗa Gwaɗa ta ghəŋa zɗakatahuɗa Lazglafta ya skwi ta zɗəgihata.

Filip 3:7

Mamu ndela ɗa mida ka yu sizlay, tsaw nda nza tsa skwiha ya ka skwi bətbət, kada ŋatsafta yu ta Kristi katək.

Yuhwana 17:3

Hafu ŋa kɗekedzeŋ ná, tsaya snaŋta taŋ ta kagha. Kagha vərɗa Lazglafta turtuktuk, nda snaŋta taŋ ta mndu ya ghunaga ka ta nzakway ka Yesu *Kristi.

Filip 3:10

Skwi turtuk ta kum iʼi ná, snaŋta ɗa ta Kristi nda mbrakwa ni ya kəl tsi ka sliʼagapta ma mtaku. Ta kumay iʼi guli ta ghuzlaŋta ɗa ta iri manda ŋa ni, ŋa nuta ɗa manda tsatsi ma fitika mtakwa ni ya,

2 Piyer 1:3

*Yesu *Kristi ta snamamtá Lazglafta ya ta hgaftá amu ŋa dguvusta mu ta glakwa ni nda zɗakwa ni. Mantsa tama, ka vlamatá tsi nda ma mbrakwa ni ta inda skwi ya ta ramata, ŋa nzay mu ta nzaku manda ya ta zɗəganatá Lazglafta.

1Kwa 2:2

Ta sliʼaftá yu ka lagha da kaghuni ná, haɗ sana skwi ta ndanə yu ma ghəŋa ɗa ŋa mnaghunata ka ta ghəŋa *Yesu *Kristi, tsa Yesu zləŋaf lu ta udza zləŋay ya tsi wa.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

Yuhwana 17:8

Mnana mna yu ta həŋ ta gwaɗa ya mniha ka, tsuʼaf tsuʼa həŋ. Nda sna həŋ dar kazlay: Daga da kagha sagha yu kəʼa, zlghaf zlgha həŋ guli kazlay: Kagha ta ghunigihata kəʼa.

Yuhwana 14:20

Baɗu tsaya dzaʼa snaŋta kuni kazlay: Ta nzaku ma Da iʼi, ta nzaku ma iʼi kaghuni, iʼi guli ta nzaku ma kaghuni yu kəʼa.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Yuhwana 14:7

Ka nda sna kuni ta iʼi dzaʼa nda sna kuni guli ta Da ɗa. Ndanana ná, nda sna kuni, nda ngha kaghuni guli, » kaʼa nda tsi.

Afisus 4:13

Manda tsaya dzaʼa nzagwafta mu demdem ta vgha ŋa nzaku ka mndu turtuk nda ma fafta mu ta ghəŋ ta Zwaŋa Lazglafta, ŋa snaŋta mu, ŋa nzakwa mu ka gwal nda ndəha manda Kristi kul haɗ sana skwi tida ya.

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

2Tim 4:6

Iʼi, nda maga fitika ɗa, taghwaŋ a yu ka mtaku wa. Ndusak ndusa fitika sliʼa ɗa.

Yuhwana 20:28

« Kagha ta nzakway ka Mghama ɗa, kagha ta nzakway ka Lazglafta ɗa guli, » ka Tuma zlghanaftá wi.

Yuhwana 16:3

Mantsa ya dzaʼa maga həŋ, kabga sna a həŋ ta dər Da, dər iʼi wu, » kaʼa.

1 Yuhwana 2:19

Tsa ghumaha ya ná, mataba mu sliʼagapta həŋ. Si nza a nzakwa taŋ kawadaga nda amu wa. Ka má nda nza nzakwa taŋ kawadaga nda amu ná, má gɗava gɗa həŋ ta vata amu. Maga maga manda tsaya kabga ŋa snaŋta kazlay: Mataba amu a həŋ demdem wu kəʼa.

1 Piyer 2:7

Ka ŋa kaghuni gwal ta zlghafta ya ná, dagala sgita ni, ama mantsa ya a da gwal kul zlghafta wa. Ka lu vindafta ma deftera Lazglafta na: « Va tsa pala wuɗidiŋ gwal ba həga ya, ta nuta ka vərɗaka pala tughwa həga. »

Galat 1:16

Ka sniɗimtá tsi ta zwaŋa ni ŋa dzaʼa ɗa mna gwaɗa ta ghəŋa ni ŋa gwal kul nzakway ka la Yahuda. Ma tsa fitika sniɗimta ni ya, gi sliʼaf a yu ka laghu ɗawaŋtá hiɗaku da mndu wa.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

1Kwa 9:10

Ari ta ghəŋa amu a ta gwaɗa Lazglafta kahwathwata katək na? Mantsa ya nzakwa ni, ta ghəŋa amu vindafta tsi ta tsa mnay kazlay: Ta hvə mndu ta hva ná, nda fata ghəŋa ni ŋa mutsa nisəla ni katsi, ta ɗgə mndu ta hya guli ná, nda fa ta ghəŋa ni ŋa mutsa nisəla ni katsi kəʼa ya.

Yuhwana 20:13

« Nya ta taw ka ní makwa na? » ka həŋ nda tsi. « Mghama ɗa ya klagha lu, sna a yu ta vli fam lu wu, » kaʼa nda həŋ.

Lukwa 11:20

Iʼi, nda mbrakwa Lazglafta ta ghazla yu ta duhwalha halaway, tsaya ta maraŋtá ghadata sagha ga Mgham Lazglafta da taba ghuni.

Mbsak 14:30

Ta waɗa waɗa yu, haɗ kuni dzaʼa lami da tsa haɗik si taghunaf yu ta imi ta sləməŋ nda waɗu ŋa pghatá kaghuni ya wu! Ba i Kalep zwaŋa Yəfune, nda Yəhusuwa zwaŋa Nuŋ kasiʼi.

Lukwa 1:43

Waká yu mutsa nana ma zɗaku kəl ma ni ma mghama ɗa ka sagha da ini na?

2Mgh 9:37

Dzaʼa watsakanap watsaka lu ta sluʼa Izabel manda dzatá rgwa ta vwaha Yizrəghel, ha ŋa traptá mnay kazlay: Izabel ya,” kəʼa, » kaʼa.

1Mgh 14:10

Tsaya dzaʼa kəl yu ka kladaghatá zləmnda da la ga Yaruvgham, dzaʼa rwiŋ rwa yu ta inda zgwana ga ghuni ma Israʼila, dər vuʼa tsi, dər mndu nda pla vgha ni a tsi. Dzaʼa zaɗana zaɗa yu nekwnekw ta la ga ghuni manda ya ta nekwafta lu ta ŋəɗak ha ŋa kwal kul nghəglaŋta ya.

La Ruma 8:39

dər má sana skwiha nda mbra nda mbra ta ghəŋa haɗik a tsi, dər má skwi kighkigh zaghutani ta ghudzifa luwa tsi, dər ma skwi kighkigh zaghutani da ghuvata haɗik tsi, haɗ sana skwi zlaganap Lazglafta nda zlaga dzaʼa dgamata nda tsa ɗvu ya ɗvu Lazglafta ta amu, maramaŋ tsi nda ma Yesu Kristi Mghama mu ya wu kəʼa.

Filip 1:1

Iʼi Pwal kawadaga nda Timute, kwalva *Yesu *Kristi ŋni. Ta ga zgu ŋni ŋa ghuni inda mnduha Lazglafta ma Yesu Kristi, ma luwa Filipiya. Nda gwal ta ngha kaghuni, nda gwal ta ksaghunatá slna tani.

Filip 3:12

Mna a iʼi kazlay: Nda ghada kɗanakta ɗa kəʼa wa. Mna a iʼi kazlay: Slaf sla iʼi kəʼa guli wa. Ta ghəŋa ŋavata ka dzaʼa ta kəma ta kəma kada kɗanakta yu ta ksamta da dzva ɗa yeya ŋa ɗa ta magay, kabga nda na yu ka ŋa *Yesu *Kristi.

2 Piyer 1:2

Ka sgaghunagha sga Lazglafta ta zɗakatahuɗi nda zɗaku ma snaŋtá i Lazglafta nda Yesu Kristi Mghama mu.

2 Piyer 1:8

Ka mamu kuni nda mndərga tsa nzaku ya, ta gɗava gɗa kuni ta maga slna nda tsi katsi, haɗ kuni dzaʼa nzata nda zɓukwatá vgha wa. Dzaʼa dzaʼa kuni ta kəma ta kəma nda snaŋtá Mghama mu Yesu Kristi.