Filip 2:7 - Hdi

⁷ Ka zlaŋtá tsi ta tsa vli ya ka niŋtá ghəŋa ni ka kwalva, ka nzaku tsi manda mndu. Ma tsa nzakwa ni manda mndu ya,

Filip 2:7 Referans Kwoze

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

Galat 4:4

Ama magatá tsa fitik ya, ka ghunagata Lazglafta ta zwaŋa ni. Marakw ta yagata ma sagha ni, ka nziŋtá tsi mista zlaha Musa,

Hebru 4:15

Mali ta ghəŋa gwal ta dra skwi ŋa Lazglafta ya nda hta mbrakwa ni ka suʼa skwi kawadaga nda amu ma hta ta mbrakwa mu a ŋa amu wa. Katək ná, dzəghaŋ dzəgha lu ta mala mu ta ghəŋa gwal ksa slna Lazglafta manda va amu, ama ga a tsatsi ta dmaku wa.

La Ruma 15:3

*Kristi ná, zbaŋ a tsatsi ta skwi ya ta zɗəganata wa. Ama manda ya nda vinda ma deftera Lazglafta na: « Tsa razu ta razu mnduha ta kagha ya ná, ta iʼi dəɗafta tsi, » kaʼa.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Lukwa 22:27

Wa mali katək na, mndu ta nzata ka zay zay re? Ari mndu ta dgaydgay a na? mndu ta nzata ka zay zay mali kasiʼi kiʼe? Ala, wana iʼi mataba ghuni manda mndu ta dgaydgay.

La Ruma 15:8

Ka yu ta mnaghunata ná, sasa *Yesu Kristi maganatá slna ta la *Yahuda ŋa maranaŋtá həŋ kazlay: Tɗukwa Lazglafta kəʼa, ŋa dzanaghatá ghəŋa skwi ya tanaf Lazglafta ta imi ta sləməŋ ta dzidzíha taŋ.

Filip 2:6

Kulam nda nzakwa tsatsi ka mnda turtuk nda Lazglafta, zbaŋ a ta nzaku ka guram nda Lazglafta wa.

Mata 12:18

Wya kwalva ɗa ya zbap yu, ya ɗvu yu, ya ta zɗəgihata katakata, dzaʼa fanagha fa yu ta Sulkuma ɗa, dzaʼa mnana mna ta inda mndəra mndu kazlay: Tɗukwa guma ɗa kəʼa.

Hebru 13:3

Havapwa hava ka gwal ma gamak, manda skwi kawadaga kuni nda həŋ. Havapwa hava ka gwal ta gə lu ta iri ŋa taŋ, kabga mnda səla kaghuni guli manda va hahəŋ.

La Ruma 1:3

Ta ghəŋa zwaŋa ni ya ka mnda səla yaga lu ma zivira mgham Dawuda tsa gwaɗa ya.

Markus 9:12

Ka Yesu nda həŋ mantsa: « Aŋi, dzaʼa tiŋlaghu tiŋla Iliya ta saha ŋa payanatá inda skwiha. Ama kabgawu vindafta lu ta ghəŋa Zwaŋa mndu kazlay: Dzaʼa ghuyay ta ɗaŋwa katakata, ɗvəta a lu wu kəʼa?

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

2Kwa 13:4

Aŋ mndani, ma fitika zləŋaftá Kristi ta udza zləŋay, htu hta mbrakwa ni, ama ka nzatá tsi nda hafu nda mbrakwa Lazglafta. Aŋni guli, nda hta mbrakwa aŋni ma guyata vgha ŋni nda tsatsi. Ama dzaʼa maraghunaŋ mara ŋni kazlay: Nda hafu ŋni kawadaga nda tsatsi ma mbrakwa Lazglafta kəʼa.