Filip 1:15 - Hdi

¹⁵ Aŋ mndani! Ka draku ta mna sanlaha ta gwaɗa ta *Kristi. Sanlaha ya, nda ŋuɗuf turtuk ta mna hahəŋ.

Filip 1:15 Referans Kwoze

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

2Kwa 11:13

Vərɗa gwal ghunay a tsa mnduha ya wa. Slna nana mndu ta mag həŋ. Manda gwal ghunay Kristi ka həŋ ta klaftá ghəŋa taŋ.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

2Kwa 1:19

kabga ma mnaghunata ŋni, i Silas nda Timute nda vərɗa iʼi ta gwaɗa ta Yesu *Kristi Zwaŋa Lazglafta ná, mnay kazlay: Aŋi, aʼ mantsa a kay guli wu kəʼa ta va tsa skwa turtuk ya a mnə aŋni wa. Aŋi, ŋa tsatsi ta mnay inda fitik.

Mata 23:5

Inda slna ta mag həŋ ná, ta magay həŋ ŋa nghay wa ira mnduha. Mantsa ya ná, ɓərzləzla ka hahəŋ ta mbaghaftá ŋa taŋ ayaha ta fuŋta ta wa bizlbizla kuma, nda ya ta dzvu. Zutut ka həŋ ta zlaŋtá dzva lguta taŋ.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Galat 2:4

Sab sa gwaɗa ta tsa fafaɗ kabga mamu sanlaha ma zwana ma ka ghwaɗak ta kɗikadamta nzamta mataba ŋni, ŋa ɓadza tsa flauʼwatá vgha ŋni ma Yesu Kristi ya. Ta kumay həŋ ta niŋnista ka vuʼa zlaha Musa.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

1Kwa 13:3

Dər má hlafha yu ta inda skwa ɗa ka daganaftá gwal ka pɗu, dər má vlaha yu ta ghəŋa ɗa ŋa pla ghəŋ, ka haɗ yu ta ɗvutá mndu wu katsi, haɗ sana skwi dzaʼa kataɗifta tsaya wa.

1Kwa 1:23

Aŋni, gwaɗa ta zləŋatá *Yesu Kristi ta udza zləŋay ŋa aŋni ta mnay. Ka zaɗiŋtá tsa gwaɗa ya ta la Yahuda. Tsaɓaku tsa gwaɗa ya ka hamata gwal kul nzakway ka la Yahuda guli ta mnay.

Slna gwal ghunay 11:20

Mbaɗa sanlaha ma gwal zlghay nda ŋuɗuf ta nzakway ka mnduha la Kiprus nda la Sireŋ, ka sliʼafta ka laghu da luwa Aŋtakiya, təv la *Grek. Ka mnə həŋ guli ta *Lfiɗa Gwaɗa Mgham Yesu ŋa taŋ.

Slna gwal ghunay 10:36

Ghunaf ghuna Lazglafta ta gwaɗa ni ŋa zwana la Israʼila ma mnanaŋtá *Lfiɗa Gwaɗa ta nzaku nda ma *Yesu *Kristi, ta nzakway ka Mghama inda mnduha, ta həŋ.

Slna gwal ghunay 9:20

Ka gi sliʼaftá tsi ka mnay ma həga tagha skwa la *Yahuda, kaʼa mantsa: « Yesu ná, Zwaŋa Lazglafta ya, » kaʼa.

Slna gwal ghunay 8:35

Ka zlraftá Filip ta gwaɗa ta ghəŋa tsa vli dzaŋaf tsi ya, ka mnanaŋtá tsi ta *Lfiɗa Gwaɗa ta ghəŋa *Yesu.

Slna gwal ghunay 5:42

Inda fitik tama, zlana a həŋ ta tagha skwi ŋa mnduha, nda mna gwaɗa ta ghəŋa *Lfiɗa Gwaɗa ta ghəŋa Yesu *Kristi ma həga Lazglafta nda ya ma həga ga mnduha wa.

Slna gwal ghunay 8:5

Ka laha Filip da luwa Samari, ka mnə tsi ta gwaɗa ta *Kristi ŋa mnduha hada.

La Ruma 2:8

Ŋa gwal ta ga sidi nda Lazglafta, ka kwalaghutá sna kahwathwata ka laghu da maga ghwaɗaka skwiha ya ná, dzaʼa ghuzlanaŋghuzla Lazglafta ta iri ta həŋ.