Filimuŋ 1:22 - Hdi

²² Mantsa, ta ɗaway yu ta payiɗifta gha ta dzuguvi guli. Ta grafta yu ná, dzaʼa tsuʼaf tsuʼa Lazglafta ta duʼa ghuni ŋa vlihatani ta tvi ŋa ɓhadaghata ɗa da kaghuni.

Filimuŋ 1:22 Referans Kwoze

Filip 2:24

Iʼi guli nda fa ghəŋa ɗa ta Mghama mu, dzaʼa gi lab la yu da kaghuni dazlay.

2Kwa 1:11

Ka kata kuni ta aŋni nda maga duʼa. Ka nda ndəgha gwal ta maga duʼa da Lazglafta ta ghəŋa aŋni katsi ná, dzaʼa nda ndəgha gwal dzaʼa rfu ta ghəŋa ni guli tsuʼafər Lazglafta ta tsa duʼa taŋ ya.

2 Yuhwana 1:12

Ta tekeʼa ndəghata pɗakwa skwiha má ŋa mnaghunata ɗa mndani, tsaw va a yu ta vindaghunafta nda vinda ta ɗelewer wu. Ta kumay yu ta laba ɗa nda la da kaghuni, ka nzata mu, ka gwaɗvusta mu ka skwa turtuk. Kada zɗavafta ŋuɗufa mu.

Yakubu 5:16

Mantsa ya tama, mnuvuswa dmakwa ghuni mataba ghuni, ka maga kuni ta duʼa da Lazglafta ta ghəŋa sani nda sani, kada mbaghunafta Lazglafta ma inda ɗaŋwaha ghuni. Maga duʼa mndu tɗukwa ná, ta ksay ta slna nda mbraku kahwathwata.

Filip 1:19

Nda sna iʼi kazlay: Dzaʼa mbaku yu ma tsa ghuya ɗaŋwaha ya, kabga duʼa ghuni. Ta katay Sulkum nda ghuɓa ma Yesu Kristi ya ta iʼi guli kəʼa.

Slna gwal ghunay 28:23

Ka tsaftá həŋ ta sana fitik tama ŋa gwayavata taŋ. Baɗu tsa fitik ya, ka sliʼaftá ndəghata həŋ ka lagha slanaghatá Pwal ma vla nzakwa ni. Ka zlraftá Pwal ta paslay, ka mnay ŋa taŋ ta gwaɗa ta ga mgham Lazglafta, daga ga sərɗək, ha tekulemes fitik, ŋa tɗakta ghunislaka taŋ ta ghəŋa gwaɗa ta *Yesu. Ka mnə tsi ta gwaɗa ma deftera zlaha Musa, nda ya ma deftera la anabi, ŋa taŋ.

3 Yuhwana 1:14

Nzəɗavata a yu ka lab da kaghuni wu, ŋa guyakwa u tsa, ŋa gwaɗay u.

Hebru 13:23

Ta snaghunam sna yu kazlay: Zligiŋ zla lu ta zwaŋama mu Timute ma gamak kəʼa. Ka ɓhagagha ɓha tsi misimmisim, dzaʼa lab la yu da kaghuni kawadaga nda tsi.

Hebru 13:19

Kdəkwa kdək, ta ndəɓa dzvu yu da kaghuni, magawa duʼa ta ghəŋa ɗa, ka mutsiɗifta Lazglafta ta vradapta ɗa misimmisim da kaghuni.

La Ruma 15:24

Ta lab yu ka dzaʼa ta haɗika Ispay ya ná, dzaʼa lagha la yu da nzəɗavata da kaghuni, ŋa sliʼafta ɗa hada ka dzaʼa, ŋa katihata ghuni.

Slna gwal ghunay 27:24

Kaʼa nda iʼi ná, “ma zləŋ ka ta zləŋ Pwal, dzaʼa lagha la ka sladata ta kəma mgham Sezar. Wya guli zɗaghaŋ zɗa Lazglafta ta huɗi, dzaʼa zlaŋ zla ta na gwal kawadaga nda kagha na nda hafu,” kaʼa.