Danyel 7:14 - Hdi

¹⁴ Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Danyel 7:14 Referans Kwoze

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Danyel 7:27

ŋa nzakwa ga mgham, nda mbraku, nda glakwa inda ga mghamha ta ghəŋa haɗik, ka ŋa mnduha nda ghuɓa ka ŋa Lazglafta Dagala. Dzaʼa gɗava gɗa ga mghama tsa mndəra mndu ya ŋa ɗekɗek. Dzaʼa snay inda ga mgham ta gwaɗa da tsi, ka maganatá slna.”

Yuhwana 3:35

« Ɗvu ɗva Da ta Zwaŋ, ka fanamtá tsi ta inda skwi ma dzva ni.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.

Mata 28:18

Ka gavadaghatá Yesu, kaʼa nda həŋ mantsa: « Inda mbraku ta luwa nda ya ta haɗik tani ná, vliha vla lu.

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

Lukwa 1:33

Dzaʼa gay ta mgham ta ghəŋa la Israʼila ŋa kɗekedzeŋ, kɗavakta a tsa ga mghama ni ya wu, » kaʼa.

Danyel 3:4

Ka gugɗatá mali ta ghəŋa tsa skalu ya nda lwi dagala, kaʼa mantsa: « Ariwa inda mnduha, mndəra mndu ta gwaɗaha kavghakavgha. Ka fata kuni ta sləməŋ ŋa sna gwaɗa dzaʼa mnaghunata lu ŋa magay ghuni:

Danyel 2:35

Ka dzaɓanapta tsi ka skwa turtuk ta tsa kfur, nda tsa rɓisl drap lu nda dra ya, nda tsa ghuva tili ya, nda tsa kfura tsedi ya, nda tsa dasu ya tani. Ka nutá tsa skwiha ya manda sabatbat ta blikwi, ka sagha falak faɗaghata hərzleleʼ. Nghigliŋ a lu ta fefewa taŋ ɗekɗek wa. Ama ka nutá tsa pala ta slafta ta tsa skwi dzahumaʼ ka ghwá dagala ya, ka ndəghanaftá ghəŋa haɗik demdem.

Yuhwana 12:34

« Dzaʼa nzata ŋa kɗekedzeŋ *Kristi, ka aŋni taghafta ma deftera zlahu ná, waká kagha tama ta mnay kazlay: Dzaʼa kapanaf kapa lu ta *Zwaŋa mndu kəʼa. Wa tsa Zwaŋa mndu ya? » ka tsa dəmga ya.

Lukwa 10:22

« Inda skwiha vliha vla Da ɗa, haɗ mndu nda sna ta tsa Zwaŋ ya wa, Da yeya nda sna. Haɗ mndu nda sna ta tsa Da ya guli wa, Zwaŋ yeya nda sna nda mndu ya ta kum zwaŋ ta maranaŋta, » kaʼa.

Danyel 7:18

Ama ŋa mutsafta mnduha nda ghuɓa ka ŋa Lazglafta Dagala ta mbrakwa ga mgham, ŋa ŋanata taŋ ɓurkuts ŋa ɗekɗek, kul haɗ kɗavakta ni,” kaʼa.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Danyel 4:3

Mantsa tama, “hagigiɗaghawa haga ta inda gwal nda ɗifil ma ghəŋa taŋ ma Babila, ŋa mnihata taŋ ta klatá ghəŋa tsa suna ɗa ya,” ka yu mnata.

1 Piyer 3:22

Vraghu vra Yesu Kristi ta luwa, ta nzaku nda ga zeghwa Lazglafta, ta ga mgham ta ghəŋa duhwalha Lazglafta, nda inda sanlaha ma skwiha nda mbra nda mbra.

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

Danyel 2:37

Rvera ɗa, kagha mgham ta ghəŋa inda mghamha. Lazglafta ta luwa ta vlaghatá ga mgham, nda inda mbraku, nda sgit tani.